విక్రమ్‌రెడ్డి నామినేషన్‌ దాఖలు

ఆత్మకూరు, న్యూస్‌టుడే: శ్రీపొట్టిశ్రీరాములు నెల్లూరు జిల్లా ఆత్మకూరు నియోజకవర్గ ఉపఎన్నికలో వైకాపా అభ్యర్థిగా మేకపాటి విక్రమ్‌రెడ్డి గురువారం నామినేషన్‌ దాఖలు చేశారు. రిటర్నింగ్‌ అధికారి (ఆర్వో) హరీంధిర ప్రసాద్‌కు రెండు సెట్ల పత్రాలు అందజేశారు. ఆయన తన తల్లిదండ్రులు మణిమంజరి, రాజమోహన్‌రెడ్డితో కలిసి ఆంజనేయస్వామి ఆలయంలో పూజలు చేసి ప్రదర్శనగా ఆర్వో కార్యాలయానికి చేరుకున్నారు. మంత్రి కాకాణి గోవర్ధన్‌రెడ్డి, మాజీ మంత్రి బాలినేని శ్రీనివాసరెడ్డితో కలసి నామినేషన్‌ దాఖలు చేశారు. అనంతరం పాత పురపాలక కార్యాలయంలో కార్యకర్తలు, నాయకులను ఉద్దేశించి మాట్లాడారు. కార్యక్రమంలో ఎంపీలు ఆదాల ప్రభాకర్‌రెడ్డి, వేమిరెడ్డి ప్రభాకర్‌రెడ్డి, మాజీ మంత్రి అనిల్‌కుమార్‌ యాదవ్, ఎమ్మెల్యేలు ఎన్‌.ప్రసన్న కుమార్‌రెడ్డి, ఎం.మహీధర్‌రెడ్డి, కె.సంజీవయ్య తదితరులు పాల్గొన్నారు.