కృష్ణపట్నంలో కరోనా

కృష్ణపట్నం (ముత్తుకూరు), న్యూస్‌టుడే: శ్రీపొట్టిశ్రీరాములు నెల్లూరు జిల్లా ముత్తుకూరు మండలంలోని కృష్ణపట్నంలో ఐదు పాజిటివ్‌ కేసులు నిర్ధారణ అయ్యాయి. వైద్యారోగ్య శాఖ అధికారులు ఆదివారం నిర్వహించిన ర్యాపిడ్‌ పరీక్షల్లో 2 కరోనా పాజిటివ్‌ కేసులు నమోదవగా.. సోమవారం మరో ముగ్గురికి పాజిటివ్‌ నిర్ధారణ అయినట్లు స్థానిక వైద్యాధికారిణి ప్రవల్లిక తెలిపారు. మరో 20 మందికిపైగా స్వల్ప లక్షణాలున్నట్లు గుర్తించి, ఆర్టీపీసీఆర్‌ నిమిత్తం నమూనాలను జిల్లా కేంద్రానికి పంపినట్లు వివరించారు. రెండు రోజులపాటు గ్రామంలో పరీక్షలు చేస్తామని ఆమె చెప్పారు.