బిల్లులు చెల్లించాలని గుత్తేదారుల నిరసన

మున్సిపల్‌ కార్యాలయం వద్ద ఫ్లెక్సీ ఏర్పాటుచేసిన గుత్తేదారులు

తాము చేసిన పనుల బిల్లులు చెల్లించాలని కోరుతూ తూర్పుగోదావరి జిల్లా పిఠాపురంలో గుత్తేదారులు బుధవారం నిరసన వ్యక్తం చేశారు. నాలుగేళ్లుగా బిల్లులు ఇవ్వకపోవడంతో ఆర్థికంగా, మానసికంగా ఇబ్బందులు పడుతున్నామంటూ మున్సిపల్‌ కార్యాలయం బయట, లోపల ఫ్లెక్సీలు ఏర్పాటుచేశారు. ‘మేము పిఠాపురం కాంట్రాక్టర్లం. మా బిల్లులు చెల్లించి, మా ప్రాణాలు కాపాడండి’ అంటూ వాటిలో పేర్కొన్నారు. తమ గోడు చెబుతున్నా అధికారులు పట్టించుకోవట్లేదన్నారు. సూరవరపు దివాణం, తదితరులు పాల్గొన్నారు.

- న్యూస్‌టుడే, పిఠాపురం