లింకు రోడ్డులో తిరుమలకు వాహనాల అనుమతి

తిరుమల రెండో ఘాట్‌ రోడ్డులోని లింకు రోడ్డు

తిరుమల, న్యూస్‌టుడే: తితిదే లింకు రోడ్డు ద్వారా శనివారం ఉదయం నుంచి తిరుమలకు వాహనాలను అనుమతించింది. భారీ వర్షాలతో ఈనెల 2వ తేదీన రెండో ఘాట్‌ రోడ్డులో బండ రాళ్లు పడి దారి ధ్వంసమైన విషయం తెలిసిందే. దీంతో మొదటి ఘాట్‌ రోడ్డు నుంచే వాహనాలను అనుమతించారు. అలిపిరి వద్ద వాహనాల రాకపోకలకు 2 గంటలకు పైగా వేచి ఉండాల్సిన రావడంతో భక్తులు ఇబ్బందులు పడ్డారు. సమస్యను పరిష్కరించేందుకు తితిదే రెండో ఘాట్‌ రోడ్డులో వాహనాలను అనుమతించి.. లింకు రోడ్డు ద్వారా మోకాళ్ల మెట్టు నుంచి తిరుమలకు చేరుకునేలా అధికారులు ఏర్పాట్లు చేశారు. దీంతో వాహనాలను అర్ధగంట పాటు ఆపి, పంపిస్తున్నారు.