ఈ-విక్రయ కార్పొరేషన్‌ ద్వారా పంట ఉత్పత్తుల కొనుగోలు

ఈనాడు-అమరావతి: రాష్ట్రంలోని రైతులు తమ వ్యవసాయ ఉత్పత్తులను ఈ మార్కెట్‌ వేదిక ద్వారా పొలం నుంచే విక్రయించేందుకు ప్రభుత్వం ఈ-విక్రయ కార్పొరేషన్‌ ఏర్పాటు చేస్తోంది. దీనికి ఆధార్‌ ఆధారిత సేవలు అందించేందుకు తగిన ప్రతిపాదనలు రూపొందించింది. వీటిని ఆధార్‌ ప్రామాణీకరణ నిమిత్తం కేంద్ర ఎలక్ట్రానిక్స్‌, ఇన్ఫర్మేషన్‌ టెక్నాలజీ శాఖ ఆమోదానికి పంపనున్నారు. ఈ మేరకు వ్యవసాయ, మార్కెటింగ్‌శాఖ ముఖ్య కార్యదర్శి వై.మధుసూదన్‌రెడ్డి ఉత్తర్వులు జారీ చేశారు.

* రాష్ట్రంలో ఉద్యాన నర్సరీల నమోదు చట్టం జనవరి 18 నుంచి అమల్లోకి వస్తుందని వ్యవసాయ శాఖ ఉత్తర్వులు ఇచ్చింది.