ఉత్తమ రిటర్నింగ్‌ అధికారిగా నెల్లూరు కలెక్టర్‌కు అవార్డు

నెల్లూరు(కలెక్టరేట్‌), న్యూస్‌టుడే: తిరుపతి పార్లమెంటరీ (ఎస్సీ) నియోజకవర్గ ఉపఎన్నికల్లో కొవిడ్‌ నిబంధనలు పాటిస్తూ రిటర్నింగ్‌ అధికారిగా ఎన్నికల విధులను సమర్థంగా నిర్వహించినందుకు కేంద్ర ఎన్నికల సంఘం ‘బెస్ట్‌ ఎలక్టోరల్‌ ప్రాక్టీసెస్‌ అవార్డ్స్‌-2021 కింద నెల్లూరు జిల్లా కలెక్టర్‌ కేవీఎన్‌ చక్రధర్‌బాబును ఉత్తమ రిటర్నింగ్‌ అధికారిగా అవార్డుకు ఎంపిక చేసింది. ఈనెల 25న జాతీయ ఓటర్ల దినోత్సవం సందర్భంగా రాష్ట్రస్థాయిలో జరిగే కార్యక్రమంలో రాష్ట్ర గవర్నర్‌ చేతుల మీదుగా ఈ అవార్డును ఆయన అందుకోనున్నారు. ఈ సందర్భంగా కలెక్టర్‌ మాట్లాడుతూ ఎన్నికల విధుల్లో జిల్లా యంత్రాంగం సహకారం ఎనలేనిదని, వారికే ఈ అవార్డును అంకితం చేస్తున్నానని పేర్కొన్నారు.