లక్ష దాటిన కరోనా క్రియాశీలక కేసులు

కొత్తగా 13,819 మందికి కొవిడ్‌

ఈనాడు, అమరావతి: రాష్ట్రంలో కరోనా క్రియాశీలక కేసులు 1,01,396కు చేరాయి. కొత్తగా 13,819 కొవిడ్‌ కేసులు నమోదయ్యాయి. పాజిటివిటీ రేట్‌ 29.44%గా నమోదైంది. 12 మంది మరణించారు. ఏరోజుకారోజు పెరిగిపోతోన్న నేపథ్యంలో పాజిటివిటీ రేట్‌ కాస్త తక్కువగా నమోదుకావడం ఇదే తొలిసారి. మంగళవారం 9 నుంచి బుధవారం ఉదయం 9 గంటల మధ్య 46,929 నమూనాలు పరీక్షించారు. వీటి ద్వారా 13,819 మందికి వైరస్‌ సోకినట్లు గుర్తించారు. అత్యధికంగా విశాఖపట్నం జిల్లాలో 1,988.. తక్కువగా విజయనగరం జిల్లాలో 435 కొవిడ్‌ కేసులు నమోదయ్యాయి. చిత్తూరు, తూర్పుగోదావరి, కర్నూలు, నెల్లూరు, విశాఖపట్నం జిల్లాల్లో ఇద్దరు చొప్పున, ప్రకాశం, పశ్చిమగోదావరి జిల్లాల్లో ఒక్కొక్కరు చొప్పున కొవిడ్‌తో ప్రాణాలు విడిచారు.