Prakash Raj: తెరాస జాతీయ రాజకీయ బృందంలో ప్రకాశ్‌రాజ్‌!

ఈనాడు, హైదరాబాద్‌: జాతీయ రాజకీయాల్లోకి వెళ్లేందుకు సన్నద్ధమవుతున్న తెలంగాణ ముఖ్యమంత్రి, తెరాస అధినేత కేసీఆర్‌ ఇందుకోసం కొత్త బృందాన్ని రూపొందిస్తున్నారు. ఆదివారం ముంబయి పర్యటన సందర్భంగా ఆయన ఈ మేరకు సంకేతాలు ఇచ్చారు. ఈ పర్యటనలో నటుడు ప్రకాశ్‌రాజ్‌ అందరి దృష్టిని ఆకర్షించారు. ఇప్పటికే భాజపా వ్యతిరేకతతో పాటు జాతీయ రాజకీయాలపై అవగాహన ఉండడం, ఆంగ్లం, హిందీ, తెలుగుతో పాటు దక్షిణాది భాషలపై పట్టు ఉన్న దృష్ట్యా ఆయన సేవలను వినియోగించుకోవాలని కేసీఆర్‌ భావిస్తున్నట్లు తెలుస్తోంది. జాతీయ స్థాయి బృందంలో ఆయనకు చోటు కల్పించవచ్చని భావిస్తున్నారు. అలాగే రాజ్యసభ స్థానానికి కూడా ఎంపిక చేయవచ్చని సమాచారం.