Andhra News: చెవులు లేకుండా శిశువు జననం

పాడేరు, న్యూస్‌టుడే: రెండు చెవులూ లేకుండా ఓ మగబిడ్డ జన్మించాడు. విశాఖ జిల్లా పెదబయలు మండలం వనబంగి గ్రామానికి చెందిన మోహన్‌రావు, నాగమణి భార్యాభర్తలు. ఈ నెల 18వ తేదీన నాగమణి పాడేరు జిల్లా ఆసుపత్రి ప్రసూతి విభాగంలో చేరారు. అదే రోజు సాయంత్రం ఆమె ప్రసవించారు. చెవులు లేకుండా జన్మించిన శిశువును చూసి తల్లిదండ్రులు భోరున విలపించారు. ఈ బిడ్డ వీరికి రెండో సంతానం. శిశువు ప్రస్తుతానికి ఆరోగ్యంగానే ఉన్నట్లు వైద్యులు తెలిపారు. మెరుగైన పరీక్షలు, చికిత్స నిమిత్తం విశాఖ కేజీహెచ్‌కు తరలించారు. దీనిపై ఆసుపత్రి సూపరింటెండెంట్‌ శంకరప్రసాద్‌ మాట్లాడుతూ ఇలాంటి జననాలు చాలా అరుదుగా జరుగుతాయన్నారు.