Andhra News: ఫోన్‌ మోగాలన్నా.. జనరేటర్‌ నడవాల్సిందే!

విద్యుత్తు విరామం వల్ల సెల్‌ఫోన్‌ టవర్లనూ జనరేటర్లతో నడపాల్సి వస్తోంది. సాధారణంగా కరెంటు పోయినా టవర్లు పనిచేసేలా వాటికి బ్యాటరీలు ఉంటాయి. ఇవి 3 గంటల్లో ఛార్జింగ్‌ అయితే.. విద్యుత్తు లేనప్పుడు 2 గంటలు యంత్రాలను నడిపిస్తాయి. కానీ.. పవర్‌హాలీడే వల్ల పూర్తిగా రెండు రోజులు విద్యుత్తు ఉండటం లేదు. దీంతో బ్యాటరీలు ఛార్జింగ్‌ కోల్పోతున్నాయి. ప్రకాశం జిల్లాలో గురు, శుక్రవారాలు విద్యుత్తు విరామం ప్రకటించడంతో ఆ రోజుల్లో వాటిని రీఛార్జి చేసేందుకు జనరేటర్లు తప్పనిసరైంది. ఈ 2 రోజులు ఒక టవర్‌ బ్యాటరీలు రీఛార్జి చేసేందుకు 100 లీటర్ల డీజిల్‌ ఖర్చవుతోందని నిర్వాహకులు తెలిపారు. ప్రకాశం జిల్లా పొదిలి మండలం తలమళ్ల గ్రామంలో వ్యాన్‌లో జనరేటర్‌ తెచ్చి ఛార్జింగ్‌ పెడుతుండటాన్ని చిత్రంలో చూడొచ్చు.

-ఈనాడు, ఒంగోలు