Polavaram: 2022 ఏప్రిల్ నాటికి పోలవరం కష్టమే
పోలవరం ప్రాజెక్టు నిర్మాణాన్ని 2022 ఏప్రిల్ నాటికి పూర్తి చేయాలని లక్ష్యంగా పెట్టుకున్నప్పటికీ.. ప్రస్తుతం పనులు జరుగుతున్న స్థితిని బట్టి చూస్తే అప్పటిలోగా పూర్తయ్యేలా కనిపించడం లేదని కేంద్ర ప్రభుత్వం పేర్కొంది. అందుకే ప్రాజెక్టుకు కొత్త షెడ్యూల్ను సూచించడానికి 2021 నవంబర్లో పోలవరం ప్రాజెక్టు అథారిటీ కమిటీని ఏర్పాటు చేసినట్లు వెల్లడించింది. ప్రాజెక్టు సాగునీటి విభాగం నిర్మాణానికి 2017-18 ధరల ప్రకారం రూ.35,950.16 కోట్లు అవుతుందని
కొత్త షెడ్యూల్ ఖరారుకు కమిటీ ఏర్పాటు
ప్రాజెక్టు సాగునీటి పనులకు సవరించిన అంచనా వ్యయం రూ.35,950 కోట్లు
పీపీఏ సిఫార్సు తర్వాత దీనికి పెట్టుబడి అనుమతి తీసుకుంటాం
రాజ్యసభలో కేంద్రం వెల్లడి
ఈనాడు - దిల్లీ
పోలవరం ప్రాజెక్టు నిర్మాణాన్ని 2022 ఏప్రిల్ నాటికి పూర్తి చేయాలని లక్ష్యంగా పెట్టుకున్నప్పటికీ.. ప్రస్తుతం పనులు జరుగుతున్న స్థితిని బట్టి చూస్తే అప్పటిలోగా పూర్తయ్యేలా కనిపించడం లేదని కేంద్ర ప్రభుత్వం పేర్కొంది. అందుకే ప్రాజెక్టుకు కొత్త షెడ్యూల్ను సూచించడానికి 2021 నవంబర్లో పోలవరం ప్రాజెక్టు అథారిటీ కమిటీని ఏర్పాటు చేసినట్లు వెల్లడించింది. ప్రాజెక్టు సాగునీటి విభాగం నిర్మాణానికి 2017-18 ధరల ప్రకారం రూ.35,950.16 కోట్లు అవుతుందని సవరించిన అంచనాల (రివైజ్డ్ కాస్ట్) కమిటీ 2020 మార్చిలో ఇచ్చిన నివేదికలో పేర్కొన్నట్లు కేంద్రం తెలిపింది. పోలవరం ప్రాజెక్టు అథారిటీ (పీపీఏ) సిఫార్సుల తర్వాత దీనికి పెట్టుబడి అనుమతులు తీసుకోనున్నట్లు చెప్పింది. పోలవరం సవరించిన అంచనాలపై సోమవారం రాజ్యసభలో వైకాపా నేత విజయసాయిరెడ్డి అడిగిన ప్రశ్నకు కేంద్ర జల్శక్తి శాఖ సహాయ మంత్రి బిశ్వేశ్వర్ టుడూ ఈ మేరకు సమాధానమిచ్చారు.
‘2017-18 ధరల ప్రకారం రూ.55,548.87 కోట్ల పోలవరం సాగునీటి ప్రాజెక్టు రెండో సవరించిన అంచనాలకు 2019 ఫిబ్రవరిలో జల్శక్తి శాఖ ఆధ్వర్యంలోని ఇరిగేషన్, ఫ్లడ్ఫ్లో కంట్రోల్, మల్టీపర్పస్ ప్రాజెక్ట్స్ అడ్వయిజరీ కమిటీ తన 141వ సమావేశంలో ఆమోదం తెలిపింది. తర్వాత రివైజ్డ్ కాస్ట్ కమిటీ 2020 మార్చిలో నివేదిక ఇచ్చింది. ప్రాజెక్టు సాగునీటి విభాగం నిర్మాణానికి 2017-18 ధరల ప్రకారం రూ.35,950.16 కోట్లు అవుతుందని వ్యయాన్ని విభజించింది. పీపీఏ సిఫార్సు తర్వాత దానికి పెట్టుబడుల అనుమతి తీసుకోవాల్సి ఉంటుంది. 2014 ఏప్రిల్ 1 నాటికి.. సాగునీటి విభాగం మిగిలిన భాగం నిర్మాణానికయ్యే ఖర్చును కేంద్ర ప్రభుత్వమే నూరు శాతం సమకూర్చాల్సి ఉంది. ఈ మేరకు రాష్ట్ర ప్రభుత్వం చేసిన ఖర్చును బిల్లులు అందగానే పీపీఏ, సీడబ్ల్యూసీ సిఫార్సుల ప్రకారం కేంద్ర ఆర్థిక శాఖ అనుమతితో ఎప్పటికప్పుడు తిరిగి చెల్లిస్తున్నాం. 2014 ఏప్రిల్ 1 నుంచి ఇప్పటి వరకూ రూ.11,600.16 కోట్లు చెల్లించాం. తర్వాత పీపీఏ, సీడబ్ల్యూసీలు రూ.711.60 కోట్ల చెల్లింపునకు సిఫార్సు చేశాయి’ అని బిశ్వేశ్వర్ టుడూ తెలిపారు.
నిర్మాణంపై వీటన్నింటి ప్రభావం
విభిన్న కారణాలు పోలవరం నిర్మాణంపై తీవ్ర ప్రభావం చూపినట్లు భాజపా ఎంపీ సుజనాచౌదరి అడిగిన మరో ప్రశ్నకు కేంద్ర మంత్రి బిశ్వేశ్వర్ టుడూ సమాధానమిచ్చారు. కొవిడ్ మహమ్మారి, ఎర్త్ కం రాక్ ఫిల్ డ్యాం, దిగువ కాఫర్ డ్యామ్లకు చెందిన గ్యాప్-1, గ్యాప్-2ల్లో లోతుగా కోతపడటం (డీప్ స్కారింగ్) సహాయ, పునరావాస కార్యక్రమాలను పూర్తి చేయడంలో జాప్యం వంటివి నిర్మాణంపై ప్రభావం చూపినట్లు పేర్కొన్నారు. ప్రాజెక్టును నిపుణులు, నైపుణ్య సంస్థలు క్రమం తప్పకుండా సందర్శిస్తున్నట్లు తెలిపారు.
వివిధ దశల్లో పనులు
ఆంధ్రప్రదేశ్ ప్రభుత్వం చెప్పిన సమాచారం ప్రకారం ప్రాజెక్టు పరిధిలోని స్పిల్వే, ఎగువ కాఫర్ డ్యాం, కాంక్రీట్ డ్యాం (గ్యాప్-3), డయాఫ్రం వాల్కు చెందిన ఎర్త్ కం రాక్ ఫిల్డ్యాం (గ్యాప్-1) నిర్మాణం పూర్తయినట్లు బిశ్వేశ్వర్ టుడూ తెలిపారు. తెదేపా ఎంపీ కనకమేడల రవీంద్రకుమార్ అడిగిన ప్రశ్నకు సమాధానంగా ఈ విషయం చెప్పారు. మిగిలిన ప్రధాన విభాగాల నిర్మాణాలు వివిధ దశల్లో ఉన్నట్లు తెలిపారు. అందులో స్పిల్వే రేడియల్ గేట్లు 88%, స్పిల్ ఛానల్ 88%, అప్రోచ్ ఛానల్ ఎర్త్ వర్క్ 73%, పైలట్ ఛానల్ వర్క్ 34%, పవర్ హౌస్ ఫౌండేషన్ ఎక్సవేషన్ 97% పురోగతి సాధించినట్లు చెప్పారు. ఆంధ్రప్రదేశ్ ప్రభుత్వం ప్రాజెక్టు నిర్మాణ పురోగతిని నెలవారీగా పోలవరం ప్రాజెక్టు అథారిటీకి పంపుతోందన్నారు. దాని ప్రకారం 2019 జనవరి నుంచి 2021 నవంబర్ వరకు పనుల పురోగతిని కేంద్ర మంత్రి వివరించారు.
పోలవరం నిధుల అంచనాలు- మంజూరు, కోత క్రమం ఇలా..
* 2010-11 అంచనాల ప్రకారం పోలవరం ప్రాజెక్టుకు అంచనా వ్యయం రూ.16010.45 కోట్లుగా లెక్క తేల్చారు. అప్పట్లో సాంకేతిక కమిటీ ఆమోదం ప్రకారమే అవే నిధులిస్తూ వస్తున్నారు.
* ఆ తర్వాత 2013-14 అంచనా ధరలతోనూ, 2017-18 అంచనా ధరలతోనూ పోలవరం ప్రాజెక్టుకు ఎంత మొత్తం వ్యయమవుతుందో లెక్కించారు. కేంద్ర జలసంఘం ప్రతిపాదనను సాంకేతిక సలహా కమిటీ దాదాపు ఆమోదించినా అంచనాల సవరణ కమిటీ (ఆర్సీసీ) భారీగా కోత పెట్టింది.
* 2013-14 ధరల ప్రకారం ఆర్సీసీ రూ.29,075 కోట్లకు ఆమోదించింది. అందులో తాగునీటి విభాగం కింద రూ.4,068.43 కోట్లు, విద్యుత్కేంద్రం కోసం రూ.4,560.91 కోట్లు మినహాయించి రూ.20,398.61 కోట్లు ఇవ్వాల్సిన మొత్తంగా తేల్చింది. దీనిలో అప్పటికే కేంద్రం ఇచ్చిన నిధులు మినహాయించి ఇక రూ.7,053 కోట్లే ఇస్తామని నిరుడు అక్టోబరులో తేల్చిచెప్పింది. పైగా ప్రధాన డ్యాం నిర్మాణం, కుడి కాలువ, ఎడమ కాలువ, పునరావాసం, భూసేకరణ విభాగానికి ఆ అంచనాల్లో ఎంత మొత్తం ఆమోదించామో అంతకుమించి నిధులు ఇవ్వబోమని చెబుతోంది. ప్రస్తుతం ఈ లెక్కల ప్రకారమే నిధులు వస్తున్నాయి. దీంతో రూ.కోట్ల బిల్లులు పీపీఏ నుంచి వెనక్కి వస్తున్నాయి.
* 2017-18 ధరల ప్రకారం రూ.47,725.74 కోట్లకు పెట్టుబడి అనుమతి ఇవ్వాలని రాష్ట్రం కోరుతోంది. అంతవరకు విభాగాల వారీ నిబంధనలు, తాగునీటి విభాగం నిధుల కోత మినహాయించాలని డిమాండ్ చేస్తోంది. ఈ నేపథ్యంలో 2017-18 ధరల ప్రకారం సాగునీటి విభాగం కింద రూ.35,950.16 కోట్లకు కేంద్రం పెట్టుబడి అనుమతి ఇవ్వాల్సి ఉందని కేంద్రం సోమవారం రాజ్యసభలో ప్రకటించింది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
జగనే కాదు.. మంత్రులు వచ్చినా అంతే!
ముఖ్యమంత్రి జగన్ పర్యటనలకే కాదు.. మంత్రుల ర్యాలీలప్పుడు కూడా పచ్చని చెట్లని కొట్టేస్తున్నారు. నంద్యాల జిల్లా డోన్లోని తారకరామనగర్కు వెళ్లే దారిలో మంత్రి బుగ్గన నామినేషన్ దాఖలు ర్యాలీకి చెట్లు అడ్డొస్తున్నాయని వాటి కొమ్మలు నరికేశారు. -
వేలకొద్దీ మద్యం సీసాలు.. వైకాపా నాయకులకు ఎక్కడివి?
మారు సుధాకర్రెడ్డి.. వ్యవసాయ శాఖ మంత్రి, సర్వేపల్లి నియోజకవర్గ వైకాపా అభ్యర్థి కాకాణి గోవర్ధన్రెడ్డికి ప్రధాన అనుచరుడు. కాకాణి తరఫున ముఖ్యమైన వ్యవహారాలన్నీ ఆయనే చక్కబెడుతుంటారు. -
ఉత్తరాంధ్రలో శుభకార్యాలకు వెళ్లడం కష్టమే
సీఎం జగన్ ‘సిద్ధం’ పేరిట చేస్తున్న యాత్రలు, నిర్వహిస్తున్న సభలు రాష్ట్ర ప్రజలకు సంకటంగా మారాయి. ముఖ్యంగా పెళ్లిళ్లు, ఇతర శుభకార్యాలకు ముహూర్తాలు పెట్టుకొనేవారు ఆయా రోజుల్లో సమీప ప్రాంతాల్లో ముఖ్యమంత్రి సభలు ఉన్నాయో లేవో చూసుకోవాల్సిన ఆందోళనకర పరిస్థితులు సృష్టిస్తున్నారు. -
గులకరాయి కేసు నిందితుడి కస్టడీ కోసం పోలీసుల పిటిషన్
గులకరాయి కేసులో అరెస్టయి రిమాండ్లో ఉన్న నిందితుడు సతీష్ కుమార్ కస్టడీ కోసం పోలీసులు సోమవారం కోర్టులో పిటిషన్ దాఖలు చేశారు. -
3 రోజులు కూలికి.. 3 రోజులు బడికి.. టెన్త్లో 509 మార్కులు
కూలి పనులకు వెళ్తే తప్ప పూట గడవని కుటుంబం వారిది. కర్నూలు జిల్లా చిప్పగిరి మండలం బంటనహాలు గ్రామానికి చెందిన బోయ ఆంజనేయులు, వన్నూరమ్మకు ఇద్దరు పిల్లలు. పెద్ద కుమార్తె బోయ నవీన పదో తరగతి, కుమారుడు రాజు తొమ్మిదో తరగతి చదువుతున్నారు. -
ఏపీ టెన్త్ ఫలితాల్లో నాగసాయి మనస్వీ 599/600
ఏలూరు జిల్లా ముసునూరు మండలం రమణక్కపేటకు చెందిన వెంకట నాగసాయి మనస్వీకి పదో తరగతిలో వచ్చిన మార్కులు.. 100, 99, 100, 100, 100, 100.. -
హతవిధీ.. గిరిబాలుడి ప్రాణాలు ఆవిరి!
‘నా ఎస్టీ’లంటూ బహిరంగ సభల్లో ఎక్కడలేని ప్రేమ ఒలకబోసే జగన్ పాలనలో గిరిపుత్రుల బతుకులు గాలిలో దీపంలా మారాయి. అత్యవసర సమయాల్లో ఆసుపత్రులకు వెళ్లేందుకు రహదారులు లేని దుర్భర పరిస్థితుల మధ్య వారి బతుకులు అర్ధాంతరంగా ముగిసిపోతున్నాయి. -
ఇసుక అక్రమ తవ్వకాలు నిజమే
అనుమతులు లేకపోయినా భారీ యంత్రాలతో ఇష్టానుసారం ఇసుక తవ్వకాల దందా నిజమేనని ఓ గనులశాఖ అధికారి ఇచ్చిన నివేదిక ఆ శాఖలో సంచలనంగా మారింది. అన్ని జిల్లాల అధికారులూ.. అక్రమాలను కప్పిపుచ్చుతూ నివేదికలు పంపితే, కృష్ణా జిల్లా అధికారి మాత్రం ఉల్లంఘనలు వాస్తవమేనంటూ ఉన్నది ఉన్నట్లు పంపారు. -
నా.. నా.. నా.. అని బాకా.. చేసిందంతా ధోకా
మోసం... దగా... వంచన... ఇలా ఏ పేరు పెట్టినా ఎస్సీ, ఎస్టీలకు జగన్ చేసిన ద్రోహానికి సమానం కాదు. ఐదేళ్ల పాలనలో వారికి ప్రగతి అనేదే లేకుండా చేశారు. అట్టడుగువర్గాలైన దళిత, గిరిజనులకు ప్రత్యేక సాయం అందించేందుకు రాజ్యాంగం కల్పించిన హక్కుల్ని నిర్ధాక్షిణ్యంగా కాలరాశారు. -
ఒంటిమిట్టలో రాములోరి వైభవం
వైయస్ఆర్ జిల్లా ఒంటిమిట్ట కోదండ రామాలయంలో శ్రీరామనవమి వార్షిక బ్రహ్మోత్సవాల్లో భాగంగా సోమవారం రాత్రి సీతారాముల కల్యాణం వైభవంగా జరిగింది. వేద పండితుల మంత్రోచ్చారణలు, మంగళవాద్యాల నడుమ జానకీరాముల పరిణయ ఘట్టాన్ని కనులపండువగా నిర్వహించారు. -
పోస్టల్ బ్యాలెట్పై స్పష్టతనివ్వాలి
గ్రామ రెవెన్యూ అధికారుల (వీఆర్వో)కు పోస్టల్ బ్యాలెట్ ద్వారా ఓటు హక్కు వినియోగంపై స్పష్టతనిస్తూ ఆదేశాలు జారీ చేయాలని రాష్ట్ర ప్రధాన ఎన్నికల అధికారికి వీఆర్వోల సంఘం సోమవారం ఓ ప్రకటనలో విజ్ఞప్తి చేసింది. -
విద్య కమిషనరేట్లోకి ఆదర్శ పాఠశాలల టీచర్ల విలీనం
ఆదర్శ పాఠశాలల్లోని రెగ్యులర్ బోధన సిబ్బందిని.. పాఠశాల విద్య కమిషనరేట్లో విలీనం చేస్తూ ప్రభుత్వం గెజిట్ నోటిఫికేషన్ ఇచ్చింది. గతనెల 15న ఎన్నికల కోడ్ అమల్లోకి రావడానికి ఒక్కరోజు ముందు ఇచ్చిన జీవోకు ప్రభుత్వం సోమవారం గెజిట్ జారీ చేసింది. -
పోలింగ్ రోజు రాష్ట్ర సరిహద్దుల్లో భద్రత కట్టుదిట్టం
సార్వత్రిక ఎన్నికల నేపథ్యంలో దొంగ ఓట్ల నియంత్రణకు పోలింగ్ రోజు రాష్ట్ర సరిహద్దుల వద్ద భద్రత కట్టుదిట్టం చేయనున్నట్లు రాష్ట్ర ప్రధాన ఎన్నికల అధికారి (సీఈఓ) ముకేశ్కుమార్ మీనా సోమవారం ‘ఈనాడు’కు తెలిపారు. -
వాలంటీర్ల రాజీనామాలనుఅంగీకరించకుండా ఈసీని ఆదేశించండి
ఆంధ్రప్రదేశ్లో ఎన్నికలు ముగిసేవరకు వాలంటీర్ల రాజీనామాలను ఆమోదించకుండా ప్రభుత్వ ప్రధాన కార్యదర్శి, పురపాలకశాఖ కమిషనర్, గ్రామ సచివాలయాలశాఖ ముఖ్య కార్యదర్శులను ఆదేశించాలని కోరుతూ. -
యాక్సిస్తో పీపీఏల ప్రతిపాదన తిరస్కరణ
యాక్సిస్ ఎనర్జీ వెంచర్స్ ఇండియా ప్రైవేట్ లిమిటెడ్ సంస్థతో విద్యుత్ కొనుగోలు ఒప్పందాలు (పీపీఏ) చేసుకోవాలన్న జగన్ ప్రభుత్వ నిర్ణయానికి రాష్ట్ర విద్యుత్ నియంత్రణ మండలి (ఏపీఈఆర్సీ) మోకాలడ్డింది. -
‘పది’లో బీసీ పాఠశాలల విద్యార్థుల ప్రతిభ
పదో తరగతి పరీక్షల్లో మహాత్మా జ్యోతిబా ఫులె వెనుకబడిన తరగతుల పాఠశాలల విద్యార్థులు 98.43 శాతం ఉత్తీర్ణత సాధించారని ఆ విద్యాలయాల కార్యదర్శి సోమవారం ప్రకటించారు. -
వెలంపల్లి సారూ.. ఈ భాగ్యవతి గుర్తుందా?
వృద్ధాప్యం, దివ్యాంగ, వితంతు, ఒంటరి మహిళ ఇలా ఏ కేటగిరీలో చూసినా భాగ్యవతికి పింఛను ఇవ్వచ్చు. అందుకోసం ఆమె చేయని ప్రయత్నం లేదు. గత అయిదేళ్లుగా సచివాలయం చుట్టూ తిరుగుతూనే ఉన్నారు. -
కరవు సీమలో ‘అవినీతి’ సిరి!
రాయలసీమలో ఓ వైకాపా ప్రజాప్రతినిధి కుటుంబం ఐదేళ్లపాటు వసూళ్ల పంటను బ్రహ్మాండంగా పండించింది. ఆ పార్టీ అధికారంలోకి రాగానే ఆ ప్రజాప్రతినిధి మరిది, బావ, వియ్యంకుడు, కుమారుడు.. నాలుగు మండలాలను పంచుకుని మరీ దందాలను పర్యవేక్షిస్తున్నారు. -
50,000 → 10,117 → 3,350
‘‘మాట తప్పను.. మడమ తిప్పను. చెప్పింది చేస్తాం.. చెప్పనిదీ చేస్తాం..’’ ‘మీట’ల మాస్టర్ జగన్ ‘బ్రాండ్’ మాటలు ఇవి. కానీ, మాట మీద నిలబడే మనిషి కాదు కదా జగన్..! -
వైకాపా ఎమ్మెల్యే సుచరిత అనుచరుల దాష్టీకాలు.. దేశం దృష్టికి తెచ్చేందుకు బొటన వేలు నరుక్కున్న మహిళ
మాజీ హోంమంత్రి, వైకాపా ఎమ్మెల్యే సుచరిత అనుయాయుల అరాచకాలపై దిల్లీలో ఫిర్యాదు చేసేందుకు తన బృందంతో కలిసి దిల్లీ వెళ్లిన ఆదర్శ మహిళా మండలి అధ్యక్షురాలు శ్రీలక్ష్మి తన వేలును నరుక్కోవడం కలకలం రేపింది. -
‘ప్రోగ్రెస్ కాదు..’ అంతా బోగస్!
పరీక్షల్లో సున్నా మార్కులొచ్చే కొందరు మొద్దబ్బాయిలు... వాటికి ముందు 10 పెట్టేసి 100 మార్కులు వచ్చాయంటూ ప్రోగ్రెస్ రిపోర్టును మార్చేసి తల్లిదండ్రుల కళ్లకు గంతలు కట్టే ప్రయత్నం చేస్తారు. తెలిసీ తెలియని వయసులో చిన్నపిల్లలు చేసే పనులవి.
తాజా వార్తలు (Latest News)
-
దుబాయ్ వరదలకు ముందు.. తర్వాత: శాటిలైట్ చిత్రాల్లో ఇలా
-
ఇన్స్టంట్ ఇ-పాన్ కావాలా..? ఉచితంగా పొందండిలా..
-
వన్ప్లస్ నార్డ్ సీఈ3 ఫోన్పై డిస్కౌంట్.. ఈ సబ్స్క్రిప్షన్లూ ఉచితం!
-
ఆయన్ని చూసి ఆశ్చర్యపోయాను.. అల్లు అర్జున్పై ‘కేజీఎఫ్’ నటుడు ప్రశంసలు..
-
దాని గురించి మాట్లాడటానికి ఇది సరైన సమయం కాదు: హార్దిక్ పాండ్య
-
కొండగట్టు క్షేత్రంలో ఘనంగా హనుమాన్ జయంతి