Andhra news: రాష్ట్రంలో 6.16 లక్షల మంది నిరుద్యోగులు

శాసనసభలో వెల్లడించిన ప్రభుత్వం

ఈనాడు, అమరావతి: ఉపాధి కల్పన కార్యాలయాల్లో పేర్లు నమోదు చేసుకున్న నిరుద్యోగులు రాష్ట్రంలో 6,16,689 మంది ఉన్నట్లు నైపుణ్యాభివృద్ధి, శిక్షణ మంత్రిత్వశాఖ వెల్లడించింది. వీరిలో పురుషులు 4,22,055 మంది ఉండగా.. మహిళలు 1,94,634 మంది ఉన్నారు. శాసనసభలో తెదేపా ఎమ్మెల్యేలు ఏలూరి సాంబశివరావు, బాల వీరాంజనేయస్వామి, అనగాని సత్యప్రసాద్‌, మంతెన రామరాజు అడిగిన ప్రశ్నకు లిఖిత పూర్వక సమాధానం ఇచ్చారు. జనవరి వరకు ఉన్న వివరాలను వెల్లడించారు. అత్యధికంగా విశాఖపట్నం జిల్లాలో నిరుద్యోగులు 98,504మంది ఉండగా.. కర్నూలులో 64,294మంది ఉన్నారు. సీఎం జగన్‌ సొంత జిల్లా కడప 58,837 మందితో మూడో స్థానంలో ఉంది.