ఒప్పంద అధ్యాపకులకు రెండు నెలల జీతం కోత

ఈనాడు, అమరావతి: ఒప్పంద జూనియర్‌ అధ్యాపకులకు ప్రభుత్వం రెండు నెలల జీతం కోత విధించింది. ఇప్పటివరకు పది రోజుల విరామంతో 12 నెలలకు ఇస్తున్న వేతనాన్ని 10 నెలలకే పరిమితం చేస్తూ ఉత్తర్వులిచ్చింది. 2022-23 విద్యా సంవత్సరానికి ఏప్రిల్‌1 నుంచి 10 నెలలపాటు జీతం చెల్లించనున్నట్లు పేర్కొంది. ప్రభుత్వ నిర్ణయంతో రాష్ట్రవ్యాప్తంగా ఉన్న 3,618 మంది ఒప్పంద జూనియర్‌ లెక్చరర్లు 2 నెలల వేతనాన్ని కోల్పోయారు. ఒక్కో లెక్చరర్‌ రూ.లక్ష వరకు నష్టపోయారు. ప్రభుత్వం వచ్చిన కొత్తలో 10రోజుల విరామంతో 12నెలల వేతనం ఇస్తామని ప్రకటించి రెండేళ్లు అమలుచేశాక ఇప్పుడు నిలిపేయడమేమిటని సంఘాల నాయకులు ప్రశ్నిస్తున్నారు.