పల్నాడు గడ్డపై ఖర్జూర పంట

కారంపూడి, న్యూస్‌టుడే: ఖర్జూరం.. పల్నాడు జిల్లాలో పండుతోంది. గుంటూరుకు చెందిన ముగ్గురు సోదరులు కారంపూడి మండలం ఒప్పిచర్ల గ్రామ పరిధిలోని 15 ఎకరాల ఎర్ర ఇసుక నేలల్లో 2020లో మొక్కలు నాటించారు. ఈ ఏడాదే దిగుబడి ప్రారంభమైంది. ఇక్కడి వాతావరణానికి సరిపోయే బరీష్‌, మోట్‌జోన్‌, అజ్వ, సగారి, జమ్లి, కల్మి, మరీయం రకాలను ఎంచుకున్నారు. గుజరాత్‌లోని ఖచ్‌ కార్పొరేషన్‌ ల్యాబ్‌, రాజస్థాన్‌ జోధ్‌పూర్‌లోని అతుల్‌ ల్యాబ్‌ నుంచి మూడున్నర ఏళ్ల వయసున్న 750 మొక్కలు తెచ్చారు. ఒక్కో మొక్కను రూ.5 వేలకు కొనుగోలు చేశారు. బిందు సేద్యంతో సంరక్షించగా.. ఈ ఏడాది తొలి కాపు మొదలైంది. పల్నాడు వాతావరణం ఖర్జూర తోటల సాగుకు అనుకూలమని రైతు ఎండీ బాషా తెలిపారు. ప్రస్తుతం ఎకరాకి యేటా లక్షల ఖర్చవుతోందని, అప్పటి వరకు అంతర పంటలు వేస్తున్నట్లు వివరించారు.

► Read latest Ap top news News and Telugu News

► Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.