ఐదు రోజుల్లో బడి.. ఇప్పుడు మరమ్మతుల హడావుడి

కృష్ణా జిల్లా తోట్లవల్లూరులోని మండల పరిషత్తు ఆదర్శ పాఠశాల ఇది. ‘నాడు-నేడు’ రెండో దశకు దీన్ని ఎంపిక చేశారు. వేసవి సెలవుల్లో ఇందులో పనులు చేయాల్సి ఉంది. అధికారులు మాత్రం వారం కిందటే అనుమతులిచ్చారు. ఐదు రోజుల్లో బడి ప్రారంభం కానుంది. పనుల పేరుతో ఇప్పుడు హడావుడి మొదలైంది. వరండా, తరగతి గదుల్లో పాలిష్‌ బండలు వేయాలని పాత ఫ్లోరింగ్‌ తొలగించారు. ఆ వ్యర్థాలను ఆవరణలోనే పోశారు. ప్రభుత్వం నుంచి ఇసుక, కంకర సామగ్రి వస్తే పనులు చేయాలని చూస్తున్నారు. ఈలోగా బడులు తెరిస్తే.. పిల్లలు, టీచర్లు ఎక్కడ కూర్చుంటారు..? అని తల్లిదండ్రులు ప్రశ్నిస్తున్నారు.

-ఈనాడు, అమరావతి(కృష్ణా)