Published : 30 Jun 2022 05:15 IST

నేను చెప్పిన పని చేయనప్పుడు సమీక్షలెందుకు?

అధికారులపై మంత్రి నాగార్జున మండిపాటు

ఈనాడు డిజిటల్‌, అమరావతి: తాను ఆదేశించిన అంశాలపై స్పందించి చర్యలు తీసుకోనప్పుడు ఇక సమీక్షా సమావేశాలు నిర్వహించి ఉపయోగమేమిటని అధికారుల్ని సాంఘిక సంక్షేమశాఖ మంత్రి మేరుగ నాగార్జున ప్రశ్నించారు. పనితీరు మార్చుకోవాలని సూచించారు. ‘నేను చెప్పిన విషయాలపై అధికారులు సరైన చర్యలు తీసుకోవడం లేదు. అలాగని ఇంతటితో విడిచిపెట్టను. నేను చెప్పింది చేసే వరకు పదే పదే అడుగుతూ ఉంటా. సమీక్షా సమావేశాలు నిర్వహించేటప్పుడు ఏదో చెప్పడం కాకుండా మిగతా సమయాల్లోనూ కలిసి అన్ని విషయాలు వివరించాలి’ అని ఆదేశించారు. సచివాలయంలో వివిధ పథకాలపై అధికారులతో ఆయన బుధవారం సమీక్ష నిర్వహించారు. స్వదేశంలో, విదేశాల్లో పీజీ చేసే విద్యార్థులకు ఎస్సీ కార్పొరేషన్‌ ద్వారా రుణాలు అందిస్తామని మంత్రి వెల్లడించారు. ఎన్‌ఎస్‌కేఎఫ్‌డీసీ పథకం కింద విదేశాల్లో పీజీ చదివే వారికి రూ.20 లక్షలు, స్వదేశంలో చదివే వారికి రూ.15 లక్షలు రుణంగా ఇస్తామన్నారు. ఎస్సీ మహిళలకు బస్సు డ్రైవర్లుగా శిక్షణ ఇచ్చి ఆర్టీసీలో నియమిస్తామని చెప్పారు. ప్రైవేటు కార్పొరేటు ఆసుపత్రుల ఆధ్వర్యంలో నర్సింగ్‌లో శిక్షణ ఇస్తామన్నారు. కార్పొరేషన్‌ ద్వారా వాహనాల కొనుగోలుకు అధికారులు ప్రతిపాదించిన రుణాన్ని రూ.12 లక్షల నుంచి రూ.16 లక్షలకు పెంచాలని ఆదేశించారు.

Read latest Ap top news News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని