మెనూ ఎలా అమలు చేస్తే బాగుంటుంది?

సంక్షేమ శాఖల అధికారుల నుంచి సీఎంవో ఆరా

‘ఈనాడు’ కథనానికి స్పందన

ఈనాడు డిజిటల్‌, అమరావతి: సంక్షేమ వసతి గృహాల్లో మెనూ ఛార్జీల పెంపుపై ప్రభుత్వం కసరత్తు ప్రారంభించింది. ‘మేనమామ మెనూలోనూ కోతలే’ శీర్షికన ‘ఈనాడు’ ప్రధాన సంచికలో ప్రచురితమైన కథనంపై ప్రభుత్వం స్పందించింది. ఎస్సీ, ఎస్టీ, బీసీ సంక్షేమ శాఖల ముఖ్య కార్యదర్శులతో సీఎంవోలోని అధికారులు సమావేశమయ్యారు. ప్రస్తుతం అమలవుతున్న డైట్‌ ఛార్జీలు...మెనూ ఎలా అమలు చేస్తే బాగుంటుంది? అనే విషయాలపై చర్చించారు. రాష్ట్రంలోని ఏయే ప్రాంతాల్లో నిత్యావసర వస్తువుల ధరలు ఎలా ఉన్నాయో పరిశీలించాలని ఆదేశించారు. దీనిపై సాంఘిక సంక్షేమశాఖ అధికారులు జిల్లా అధికారులతో శుక్రవారం వీడియో కాన్ఫరెన్స్‌ నిర్వహించారు. విశాఖ, గుంటూరు, నెల్లూరు, కర్నూలు  జిల్లాల్లో ప్రస్తుతం ధరలు ఎలా ఉన్నాయో? ప్రతిపాదనలు పంపాలని అధికారులకు నిర్దేశించినట్లు తెలిసింది. దీనిపై 2,3 రోజుల్లో నివేదిక ఇవ్వాలని స్పష్టం చేసినట్లు సమాచారం.