Updated : 10 Aug 2022 03:46 IST

Andhra news: బీమా పరిహారం చెల్లింపులో జాప్యం లేకుండా నిబంధనలు

వ్యవసాయశాఖ ప్రత్యేక కమిషనర్‌ హరికిరణ్‌

ఈనాడు, అమరావతి: రాష్ట్రంలో ప్రస్తుతం అమలవుతున్న వైఎస్సార్‌ ఉచిత పంటల బీమాలో ఎలాంటి మార్పు లేకుండా.. ప్రధాన మంత్రి ఫసల్‌ బీమా పథకం(పీఎంఎఫ్‌బీవై)తో అనుసంధానించామని వ్యవసాయశాఖ ప్రత్యేక కమిషనర్‌ సి.హరికిరణ్‌ పేర్కొన్నారు. రాష్ట్రంలో పారదర్శకంగా అమలు చేస్తున్న ఈ-పంట నమోదుపై కేంద్ర అధికారుల బృందం సంతృప్తి వ్యక్తం చేసిందని, దాని ఆధారంగానే పీఎంఎఫ్‌బీవై అమలు చేయడానికి సంసిద్ధత వ్యక్తం చేసిందని వివరించారు. ‘బీమా బరువైందా?’ శీర్షికన మంగళవారం ‘ఈనాడు’ ప్రధాన పత్రికలో వచ్చిన కథనంపై వ్యవసాయ శాఖ వివరణ ఇచ్చింది. ‘బీమా పరిహారం చెల్లింపులో ఆలస్యం చేయడానికి వీలు లేకుండా.. విధి విధానాలను రూపొందిస్తున్నాం. తర్వాత సీజన్‌ ప్రారంభానికి ముందే పరిహారం చెల్లించేలా నిబంధనలను రూపొందించి అమలు చేస్తాం. కేంద్ర ప్రభుత్వ అభ్యర్థన మేరకే.. సాధ్యాసాధ్యాలను బేరీజు వేసుకుని.. పీఎంఎఫ్‌బీవైతో ఉచిత పంటల బీమా పథకాన్ని అనుసంధానించాలని రాష్ట్ర ప్రభుత్వం నిర్ణయించింది. రైతు చెల్లించాల్సిన ప్రీమియం మొత్తాన్ని రాష్ట్రమే పూర్తిగా చెల్లిస్తుంది. ఈ-పంట, ఈ-కేవైసీ ద్వారా రైతులు తమ పంటను బీమా చేసుకునేలా మార్గదర్శకాలు రూపొందించి.. 2022-23లో అమలు చేసేలా బీమా సంస్థల ఎంపికకు త్వరలో టెండర్ల ప్రక్రియ ప్రారంభిస్తాం’ అని తెలిపారు.

Read latest Ap top news News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని