ఎల్‌ఆర్‌ఎస్‌ దరఖాస్తుల పరిష్కార గడువు మరోసారి పెంపు

ఈనాడు, అమరావతి: అనుమతులు తీసుకోని లేఅవుట్లలో ఇళ్ల స్థలాల (ప్లాట్ల) క్రమబద్ధీకరణ కోసం లేఅవుట్‌ రెగ్యులరైజేషన్‌ స్కీం (ఎల్‌ఆర్‌ఎస్‌)లో వచ్చిన పెండింగ్‌ దరఖాస్తుల పరిష్కార గడువుని అక్టోబరు 31 వరకు ప్రభుత్వం మరోసారి పొడిగించింది. ఎల్‌ఆర్‌ఎస్‌-2020 ప్రకటించాక ప్రజల నుంచి వచ్చిన దరఖాస్తులు చాలావరకు ఇంకా పెండింగ్‌ ఉన్నాయి. వీటి పరిష్కారం కోసం ప్రభుత్వం ఎప్పటికప్పుడు గడువు పొడిగిస్తోంది. ఇది వరకు ఇచ్చిన గడువు ఈ ఏడాది జూన్‌ 30తో ముగిసింది. మరోసారి గడువు పెంచాలన్న పట్టణ ప్రణాళిక విభాగం ప్రతిపాదనలను ప్రభుత్వం ఆమోదించింది. ఈ మేరకు పురపాలక, పట్టణాభివృద్ధిశాఖ ప్రత్యేక ప్రధాన కార్యదర్శి శ్రీలక్ష్మి బుధవారం ఉత్వర్వులు జారీ చేశారు.