విచారణ దశలో కేసుల ఉపసంహరణ కోరడం సరికాదు

వైకాపా ఎమ్మెల్యేలు మేకా వెంకట ప్రతాప్‌ అప్పారావుపై నూజివీడు పట్టణ ఠాణా, కె.రక్షణనిధిపై తిరువూరు పోలీసు స్టేషన్లలో నమోదైన కేసుల ఉపసంహరణ విషయంలో బుధవారం

Updated : 11 Aug 2022 05:12 IST

రాష్ట్ర ప్రభుత్వానికి స్పష్టం చేసిన హైకోర్టు

ఇద్దరు వైకాపా ఎమ్మెల్యేలపై కేసుల ఉపసంహరణకు లేఖ రాసిన ప్రభుత్వం

ఈనాడు, అమరావతి: వైకాపా ఎమ్మెల్యేలు మేకా వెంకట ప్రతాప్‌ అప్పారావుపై నూజివీడు పట్టణ ఠాణా, కె.రక్షణనిధిపై తిరువూరు పోలీసు స్టేషన్లలో నమోదైన కేసుల ఉపసంహరణ విషయంలో బుధవారం హైకోర్టు విచారణ జరిపింది. కేసులు దర్యాప్తు దశలో ఉండగా ఉపసంహరణ కోరడం ఏమిటని ప్రభుత్వాన్ని ప్రశ్నించింది. తుది నివేదిక దాఖలు చేయడానికి ముందే కేసుల ఉపసంహరణ కోరడం సరికాదంది. ఎమ్మెల్యేలపై నమోదైన కేసుల ఉపసంహరణ వ్యవహారంలో ఇప్పటికే నమోదైన వ్యాజ్యంతో ప్రస్తుత పిటిషన్‌ను జతచేయాలని రిజిస్ట్రీని ఆదేశించింది. హైకోర్టు న్యాయమూర్తులు జస్టిస్‌ సి.ప్రవీణ్‌కుమార్‌, జస్టిస్‌ ఏవీ రవీంద్రబాబుతో కూడిన ధర్మాసనం బుధవారం ఈమేరకు ఆదేశాలిచ్చింది. విశాఖ విమానాశ్రయంలో అప్పటి ప్రతిపక్షనేత జగన్‌మోహన్‌రెడ్డిపై దాడికి నిరసనల సందర్భంగా చోటు చేసుకున్న పరిణామాలపై నూజివీడు పోలీసులు మేకా వెంకట ప్రతాప్‌ అప్పారావు మరో 13 మందిపై, కె.రక్షణనిధి మరికొందరిపై తిరువూరు పోలీసులు 2018లో కేసులు నమోదు చేశారు. వీటిని ఉపసంహరణకు అనుమతి ఇవ్వాలని కోరుతూ హోంశాఖ ముఖ్యకార్యదర్శి ఈ ఏడాది ఏప్రిల్‌ 29న హైకోర్టుకు లేఖ రాశారు. ఆ లేఖను హైకోర్టు సుమోటో పిల్‌గా పరిగణించి బుధవారం విచారణ జరిపింది.

Read latest Ap top news News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని