ఆహారశుద్ధి రంగంపై అవగాహనకు ఫ్యాప్సీ ఆన్‌లైన్‌ శిక్షణ

ఈనాడు, అమరావతి: పారిశ్రామికవేత్తలకు ఆహార శుద్ధి ప్రాజెక్టుల ఏర్పాటుపై అవగాహన కల్పించడానికి ఈ నెల 17 నుంచి పది రోజుల పాటు ఆన్‌లైన్‌ సర్టిఫికెట్‌ కోర్సు నిర్వహించనున్నట్లు ఫెడరేషన్‌ ఆఫ్‌ ఏపీ ఛాంబర్స్‌ ఆఫ్‌ కామర్స్‌ అండ్‌ ఇండస్ట్రీ (ఫ్యాప్సీ) ఒక ప్రకటనలో తెలిపింది. సూక్ష్మ, చిన్న, మధ్యతరహా పరిశ్రమల (ఎంఎస్‌ఎంఈ) రంగంలో ఉన్న వారికి శిక్షణ ఉపయోగపడుతుందని పేర్కొంది. శిక్షణలో భాగంగా  ఛార్టెడ్‌ అకౌంటెంట్లు, లీగల్‌ ఇంప్లిమెంట్స్‌ నిపుణులు సూచనలు అందిస్తారని పేర్కొంది. మార్కెట్‌ను గుర్తించే పద్ధతులు, ముడిపదార్థాల సేకరణ, బ్యాంకు నుంచి రుణాలు, చట్టపరమైన అంశాల్లో సూచనలు ఉంటాయని, వివరాల కోసం ఫోన్‌ నంబర్‌ 80085 79624లో సంప్రదించాలని తెలిపింది.