పార్లమెంటులో పింగళి విగ్రహం ఏర్పాటు చేయండి

ఉభయ సభాపతులకు తెదేపా ఎంపీ కనకమేడల లేఖ

ఈనాడు, దిల్లీ: జాతీయ జెండా రూపకర్త పింగళి వెంకయ్య విగ్రహాన్ని పార్లమెంటు ప్రాంగణంలో ఏర్పాటు చేయాలని తెదేపా ఎంపీ కనకమేడల రవీంద్రకుమార్‌ రాజ్యసభ ఛైర్మన్‌ జగదీప్‌ ధన్‌ఖడ్‌, లోక్‌సభ స్పీకర్‌ ఓం బిర్లాను కోరారు. ఈ మేరకు వారిద్దరికీ వేర్వేరు లేఖలు రాశారు. ‘‘మన జాతీయ పతాకాన్ని రూపొందించిన ఘనత ఆంధ్రప్రదేశ్‌లోని ఓ చిన్న గ్రామంలో జన్మించిన పింగళి వెంకయ్యకే దక్కుతుంది. ఆ మహనీయుడు దేశానికి చేసిన సేవలకు గుర్తింపుగా ఆయన గౌరవార్థం పార్లమెంటులో నిలువెత్తు కాంస్య విగ్రహం ఏర్పాటు చేయాలని కోరుతున్నాను...’’ అని కనకమేడల విజ్ఞప్తి చేశారు.