Published : 14 Aug 2022 05:28 IST

యాజమాన్య హక్కు నిర్ధారణ గడువు తగ్గింపు

నిబంధనల మార్పుతో తుది నోటిఫికేషన్‌ సిద్ధం

ఈనాడు, అమరావతి: రీ-సర్వే అనంతరం భూముల యాజమాన్య హక్కు నిర్ధారణకు ప్రస్తుతం ఉన్న 77 రోజుల గడువును 52కు కుదించారు. ఈ మేరకు రెవెన్యూ శాఖ తుది నోటిఫికేషన్‌ సిద్ధమైంది. భూముల రీ-సర్వే నేపథ్యంలో హద్దుల నిర్ధారణ, ఇతర ప్రక్రియ కొనసాగుతున్నందున యాజమాన్య హక్కుల ఖరారు ముందు ఫాం-2 (క్లెయిమ్స్‌ స్వీకరణ), ఫాం-3 (డ్రాఫ్ట్‌ రికార్డ్‌), ఫాం-4 (పైనల్‌ రికార్డు) ద్వారా చర్యలు తీసుకునేందుకు, వివరాల నమోదుకు 77 రోజుల వరకు సమయం పడుతోంది. ఈ గడువులో 25 రోజులు తగ్గించారు. ఈ మేరకు ఏపీ పీ రైట్స్‌ ఇన్‌ ల్యాండ్‌ అండ్‌ పట్టాదారు పాసుబుక్‌ రూల్స్‌లో మార్పులను ఖరారుచేస్తూ తుది నోటిఫికేషన్‌ విడుదలైంది. దీనికి ఓ నమూనా దరఖాస్తును కూడా జతపరిచారు. హక్కుల నిర్ధారణ జరిగిన అనంతరం ఆన్‌లైన్‌లో వివరాల నమోదుకు బ్లాక్‌ చైన్‌ టెక్నాలజీ వినియోగించనున్నారు. ఈ మేరకు ఇటీవల కేంద్ర సంస్థతో ఒప్పందం జరిగింది.

ఫసలీ ముగిసిన అనంతరం!
ఫసలీ (ప్రతి ఏడాది జులై 1 నుంచి జూన్‌ 30వ తేదీ వరకు) ముగిసిన అనంతరం జరిగిన మార్పులు/చేర్పులకు అనుగుణంగా సంబంధిత మండల తహసీల్దార్లు ఫాం-1బి అనుసరించి గ్రామాల్లో జాబితాలు ప్రకటించాలి. అభ్యంతరాలు వస్తే వాటిని పరిశీలించిన అనంతరం తగిన చర్యలు తీసుకోవాలి. గతంలో అమల్లో ఉన్న జమాబందీ ద్వారా ఫసలీ గడువు ముగిసిన అనంతరం వివరాలు ప్రకటించే వారు. ప్రస్తుతం ఆ విధానం లేదు.

Read latest Ap top news News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని