Published : 17 Aug 2022 03:49 IST

కొత్తపనసపాడులో పులి సంచారం

బొండపల్లి, న్యూస్‌టుడే: విజయనగరం జిల్లాలో పులి సంచారంతో ప్రజలు భయాందోళనకు గురవుతున్నారు. మంగళవారం బొండపల్లి మండలంలోని గిరిజన గ్రామం కొత్తపనసలపాడులో పులి పంజా విసిరింది. వారబోయిన పైడితల్లి, చంప చిన్నయ్యకు చెందిన 2 ఆవులపై దాడి చేసి చంపేసింది. మరో దూడను కొండపైకి ఈడ్చుకెళ్లింది. గ్రామస్థులు వెంటనే రెవెన్యూ, పోలీసు, అటవీశాఖ అధికారులకు సమాచారం ఇచ్చారు. ఇప్పటికే హైదరాబాద్‌ నుంచి జిల్లాకు వచ్చిన వేటగాళ్లు ఆయా ప్రాంతాలను పరిశీలించారు. సమీప గ్రామాల్లోనే పులి ఉన్నట్లు నిర్ధారించారు. ప్రత్యేక ఆయుధాలతో కొండపై నిఘా వేశారు. సోమవారం రాత్రి నుంచి పులి గాండ్రింపులు వినిపించాయని, ఉదయాన్నే దాడి చేసిందని గ్రామస్థులు చెబుతున్నారు. కొత్తపనసపాడులో ఎస్‌ఐ రవి, అటవీశాఖాధికారి అప్పలరాజు పర్యటించారు.

Read latest Ap top news News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని