కృష్ణా బోర్డును విశాఖకు తరలించండి

కార్యాలయ ఏర్పాటుకు వసతులు ఉన్నాయంటూ ఏపీ లేఖ

ఈనాడు, హైదరాబాద్‌: కృష్ణాబోర్డును హైదరాబాద్‌ నుంచి విశాఖపట్నానికి తరలించాలని ఆంధ్రప్రదేశ్‌ జలవనరుల శాఖ కృష్ణా రివర్‌ మేనేజ్‌మెంట్‌ బోర్డు (కేఆర్‌ఎంబీ)కు తాజాగా లేఖ రాసింది. విశాఖలోని ఇంజినీరింగ్‌ స్టాఫ్‌ కాలేజీలో ఏడు వేల చదరపు అడుగుల స్థలం అందుబాటులో ఉందని, బోర్డు కార్యాలయ ఏర్పాటుకు అనువుగా ఉంటుందని ఇంజినీర్‌ ఇన్‌ చీఫ్‌ నారాయణరెడ్డి లేఖలో పేర్కొన్నారు. అయితే, కృష్ణాబోర్డు అధికారులు గతంలో విశాఖను సందర్శించి దాదాపు పదివేలకు పైగా చదరపు అడుగుల స్థలం కావాలని ప్రతిపాదన సమర్పించినట్లు తెలిసింది.