ఆరోగ్య వర్సిటీకి ఎన్టీఆర్‌ పేరు కొనసాగించాలి

హైకోర్టు న్యాయవాదుల డిమాండ్‌

ఈనాడు, అమరావతి: ఎన్టీఆర్‌ ఆరోగ్య విశ్వవిద్యాలయం పేరు మార్పుపై హైకోర్టు న్యాయవాదులు నిరసన వ్యక్తం చేశారు. శుక్రవారం భోజన విరామ సమయంలో హైకోర్టు ఎదుట పెద్ద సంఖ్యలో న్యాయవాదులు ర్యాలీ నిర్వహించారు. ఎన్టీఆర్‌ పేరును కొనసాగించాలని డిమాండ్‌ చేశారు. ప్రభుత్వానికి వ్యతిరేకంగా నినాదాలు చేశారు. జోహార్‌ ఎన్టీఆర్‌, అమర్‌రహే ఎన్టీఆర్‌, రక్షిస్తాం-రక్షిస్తాం ప్రజాస్వామ్యాన్ని రక్షిస్తాం అంటూ నినదించారు. కార్యక్రమంలో హైకోర్టు న్యాయవాదులు కేఎం కృష్ణారెడ్డి, టీఎస్‌ రాయలు, ఎస్‌.దేవకుమార్‌, పారా కిశోర్‌, సలీంపాషా, పి.అనంద్‌శేషు, జె.కోటేశ్వరిదేవి, వీవీ లక్ష్మీనారాయణ, రజిని, విష్ణుతేజ, డీఎస్‌ఎన్‌వీ ప్రసాదబాబు, విజయవాడ కోర్టు మాజీ పీపీ సత్యనారాయణ, సీనియర్‌ న్యాయవాది పోసాని వెంకటేశ్వర్లు తదితరులు పాల్గొన్నారు.