తితిదేలో బ్రాహ్మణ వ్యతిరేక శక్తులున్నాయ్‌

రమణ దీక్షితులు ట్వీట్‌

ఈనాడు, తిరుపతి: తితిదేలో బ్రాహ్మణ వ్యతిరేక శక్తులున్నాయంటూ తిరుమల శ్రీవారి ఆలయ గౌరవ ప్రధాన అర్చకుడు రమణ దీక్షితులు వివాదాస్పద ట్వీట్‌ చేశారు. వారు ఆలయ విధానాలతోపాటు అర్చక వ్యవస్థను నాశనం చేసేలోగా చర్యలు తీసుకోవాలని ముఖ్యమంత్రి జగన్‌మోహన్‌రెడ్డిని కోరారు. ముఖ్యమంత్రి తిరుమల పర్యటన ముగించుకుని వెళ్లిన కొన్ని గంటల్లోనే రమణ దీక్షితులు ట్వీట్‌ చేయడం ప్రాధాన్యం సంతరించుకుంది. గతంలో వంశపారంపర్య అర్చకత్వానికి సంబంధించి ఏకసభ్య కమిటీ ఇచ్చిన నివేదికపై ప్రకటన చేస్తారని అర్చకులు భావించారని అందులో ప్రస్తావించారు. ఈ విషయమై ముఖ్యమంత్రి ప్రకటన చేయకపోవడం అర్చకులను తీవ్ర నిరాశపరిచిందని పేర్కొన్నారు.