అశ్వ వాహనంపై మలయప్పస్వామి అభయప్రదానం

నేడు శ్రీవారి చక్రస్నానం

తిరుమల, న్యూస్‌టుడే: తిరుమల శ్రీవారి సాలకట్ల బ్రహ్మోత్సవాల్లో ఎనిమిదో రోజైన మంగళవారం రాత్రి శ్రీమలయప్పస్వామివారు అశ్వ వాహనాన్ని అధిరోహించి కల్కి అలంకరణలో భక్తులకు అభయప్రదానం చేశారు. ఉదయం శ్రీ మలయప్పస్వామివారు దేవేరులతో కలిసి బ్రహ్మరథం అధిరోహించి భక్తులను అనుగ్రహించారు. బ్రహ్మోత్సవాల్లో భాగంగా బుధవారం వేకువజామున 3 నుంచి 6గంటల వరకు పల్లకీ, తిరుచ్చి ఉత్సవాల్ని నిర్వహిస్తారు. అనంతరం చక్రత్తాళ్వార్‌కు వరాహస్వామి ఆలయ ప్రాంగణంలో స్నపన తిరుమంజనం నిర్వహిస్తారు. తర్వాత పుష్కరిణిలో పవిత్ర స్నానం చేయిస్తారు. ఈ ఘట్టం ఉదయం 6 నుంచి 9గంటల మధ్య చేపడతారు. రాత్రి 7 నుంచి 9గంటల మధ్య జరిగే ధ్వజావరోహణంతో బ్రహ్మోత్సవాలు సమాప్తమవుతాయి. గురువారం నుంచి శ్రీవారి సేవలు యథాతథంగా కొనసాగనున్నాయి.