అల్పపీడన ప్రభావంతో రాష్ట్రంలో వర్షాలు

ఈనాడు, విశాఖపట్నం: నైరుతి బంగాళాఖాతంలో ఏర్పడిన అల్పపీడనం దక్షిణ కోసాంధ్ర, సమీప ప్రాంతాల మీద కొనసాగుతోంది. ఫలితంగా గురువారం దక్షిణ కోస్తాంధ్ర, రాయలసీమల్లో పలు చోట్ల తేలికపాటి నుంచి ఓ మోస్తరు వర్షాలు కురిసే అవకాశం ఉందని వాతావరణశాఖ తెలిపింది. ఈ అల్పపీడనం వల్ల రాష్ట్రంలోని తీర ప్రాంతాల్లో పలు చోట్ల అధిక వర్షపాతం నమోదైంది. ఉమ్మడి శ్రీ పొట్టి శ్రీరాములు నెల్లూరు, తూర్పు, పశ్చిమగోదావరి, కృష్ణా, గుంటూరు జిల్లాల్లో అధికంగా వర్షాలు కురిశాయి. బుధవారం అత్యధికంగా తడలో 94.2 మి.మీ, సూళ్లూరుపేట 88.6, గూడూరు, 38.4, ఉదయగిరి 31.4 మి.మీ.ల వర్షపాతం నమోదైనట్లు వాతావరణశాఖ తెలిపింది.