తలనీలాల వేలంలో తితిదేకు రూ.47.92 కోట్ల ఆదాయం

తిరుమల, న్యూస్‌టుడే: శ్రీవారికి భక్తులు సమర్పించిన తలనీలాలకు తితిదే ఆన్‌లైన్‌లో వేలం నిర్వహించగా రూ.47.92 కోట్ల ఆదాయం లభించిందని ఆ విభాగం జీఎం కృష్ణారెడ్డి తెలిపారు. ఈ-వేలం సైట్‌లో తితిదే గురువారం వివిధ రకాల సైజుల్లోని తలనీలాలకు వేలం నిర్వహించగా పాటదారులు 21,100 కేజీలకు బిడ్‌ చేశారు.

సర్వదర్శనానికి 15 గంటలు

గురువారం సాయంత్రానికి ధర్మదర్శనానికి ఎస్‌ఎస్‌డీ టోకెన్లు లేకుండా క్యూలైన్‌లో వచ్చిన భక్తులు వైకుంఠం క్యూకాంప్లెక్స్‌లోని 8 కంపార్ట్‌మెంట్లలో వేచి ఉన్నారు. వీరికి దాదాపు 15 గంటల్లో  దర్శనం లభించనుందని తితిదే తెలిపింది.