అక్రమ కేసులకు బెదిరేది లేదు: పరిటాల సునీత

సబ్‌జైలులో ఉన్న పార్టీ నాయకుడు జగ్గుకు పరామర్శ

ధర్మవరం, న్యూస్‌టుడే: తెదేపా అధినేత చంద్రబాబునాయుడిపై అనుచిత వ్యాఖ్యలు చేసిన రాప్తాడు ఎమ్మెల్యే తోపుదుర్తి ప్రకాష్‌రెడ్డి సోదరుడు చంద్రశేఖర్‌రెడ్డిని అరెస్టు చేసి జిల్లా బహిష్కరణ చేయాలని మాజీ మంత్రి పరిటాల సునీత డిమాండ్‌ చేశారు. తమపై అక్రమ కేసులకు భయపడేది లేదని స్పష్టం చేశారు. శ్రీసత్యసాయి జిల్లా ధర్మవరం సబ్‌జైలులో రిమాండ్‌లో ఉన్న తెదేపా నాయకుడు గంటాపురం అప్పస్వామి అలియాస్‌ జగ్గును సోమవారం మాజీ మంత్రులు పరిటాల సునీత, పల్లె రఘునాథరెడ్డి, బీకే పార్థసారథి, మాజీ ఎమ్మెల్సీ గుండుమల తిప్పేస్వామి తదితరులు పరామర్శించారు. అనంతరం సబ్‌జైలు వద్ద విలేకరులతో సునీత మాట్లాడారు. ‘మొద్దు శీనుకు ఆ రోజే చెప్పి ఉంటే చంద్రబాబును చంపేవారని చంద్రశేఖర్‌రెడ్డి అంటున్నారు. పరిటాల రవీంద్ర హత్య వెనుక ఎవరున్నారో ఆయన చెప్పడం వాస్తవమే..’ అని పేర్కొన్నారు.