శ్రీవారి సర్వదర్శనానికి 20 గంటలు

తిరుమల, న్యూస్‌టుడే: శ్రీవారి సర్వదర్శనానికి తిరుమలకు వస్తున్న భక్తుల సంఖ్య అధికంగా ఉంది. ఆదివారం సాయంత్రానికి ఎస్‌ఎస్‌డీ టోకెన్లు లేకుండా ధర్మదర్శనానికి క్యూలైన్‌లో వచ్చిన భక్తులు వైకుంఠం క్యూ కాంప్లెక్స్‌లోని 17 కంపార్ట్‌మెంట్లలో వేచి ఉన్నారు. వీరికి దాదాపు 20 గంటల్లో దర్శనం లభించనుందని తితిదే తెలిపింది. శనివారం శ్రీవారిని 63,931 మంది భక్తులు దర్శించుకున్నారు. రూ.3.48 కోట్ల హుండీ కానుకలు లభించాయి. గదుల కోసం భక్తులు ఇబ్బంది పడుతున్నారు.

తిరుమలలో భద్రతా తనిఖీలు

రాష్ట్రపతి ద్రౌపదీ ముర్ము పర్యటన సందర్భంగా తిరుమలలోని పలు ప్రాంతాల్లో బాంబ్‌ స్క్వాడ్‌ బృందాలు ఆదివారం తనిఖీలు నిర్వహించాయి. శ్రీవారి ఆలయం ఎదుట, ప్రధాన రహదారులు, పార్కుల్లో తనిఖీలు చేపట్టాయి.