ఈడీవి సాధారణ తనిఖీలే: రత్నా ఇన్‌ఫ్రా ప్రాజెక్ట్స్‌

ఈనాడు, హైదరాబాద్‌: హైదరాబాద్‌ బంజారాహిల్స్‌ రోడ్‌ నం.2లోని తమ సంస్థలో ఈ నెల 2న ఎన్‌ఫోర్స్‌మెంట్‌ డైరెక్టరేట్‌ (ఈడీ) బృందం నిర్వహించినవి సాధారణ తనిఖీలే అని రత్నా ఇన్‌ఫ్రా ప్రాజెక్ట్స్‌ నిర్వాహకులు ఆదివారం ఒక ప్రకటనలో తెలిపారు. ఈ సందర్భంగా ఈడీ అధికారులకు తమ సంస్థ సిబ్బంది పూర్తిగా సహకరించడంతోపాటు అవసరమైన సమాచారాన్ని అందజేశారని వివరించారు. గోదావరి జిల్లాల్లో దళితుల పేరిట తీసుకున్న రుణాలతో గోదాములు నిర్మించిన వ్యవహారంతో తమ సంస్థకు ఎలాంటి సంబంధం లేదన్నారు. ‘‘ఎన్‌ఆర్‌ఐ విద్యాసంస్థలో భవనాలు నిర్మించేందుకు ఆ సంస్థ నిర్వాహకులు తమకు కొంత అడ్వాన్సు చెల్లించారు. కొన్ని అనివార్య కారణాలతో ఆ నిర్మాణాలు చేపట్టలేకపోయాం. ఆ సంస్థ అధినేత నిమ్మగడ్డ ఉపేంద్రతో తమకు ఎలాంటి ఆర్థిక లావాదేవీలు లేవు’’ అని రత్నా ఇన్‌ఫ్రా ప్రాజెక్ట్స్‌ నిర్వాహకులు వివరణ ఇచ్చారు.