పంచాయతీరాజ్‌ సలహాదారుగా నాగార్జునరెడ్డి

ఆయనదీ వైయస్‌ఆర్‌ జిల్లాయే

ఈనాడు, అమరావతి: ముఖ్యమంత్రి జగన్‌ సొంత జిల్లా వైయస్‌ఆర్‌లోని పోరుమామిళ్లకు చెందిన పోతిరెడ్డి నాగార్జునరెడ్డిని రాష్ట్ర పంచాయతీరాజ్‌, గ్రామీణాభివృద్ధి శాఖ సలహాదారుగా నియమిస్తూ మంగళవారం ప్రభుత్వం గెజిట్‌ విడుదల చేసింది. వైకాపా రాష్ట్ర కార్యదర్శిగా ఉన్న ఆయన గతంలో ఎంపీటీసీ, జడ్పీటీసీ సభ్యుడిగా పనిచేశారు. వైఎస్‌ రాజశేఖరరెడ్డి ప్రభుత్వ హయాంలో నాగార్జునరెడ్డి తల్లి కృష్ణమ్మ ఏపీ ఆర్థిక సంస్థ ఛైర్మన్‌గా పనిచేశారు. తిరుమల తిరుపతి దేవస్థానం (తితిదే) ప్రత్యేక ఆహ్వానితునిగా నాగార్జునరెడ్డిని ప్రస్తుత ప్రభుత్వం గతంలో నియమించింది. హైకోర్టు ఈ నియామకాన్ని తప్పుపట్టడంతో అప్పట్లో తొలగించారు.