Hindupuram: అన్నం పెట్టరు.. పెట్టేవారికి చోటివ్వరు!

హిందూపురం పట్టణం, న్యూస్‌టుడే: శ్రీసత్యసాయి జిల్లా హిందూపురం పట్టణ ఆసుపత్రి ప్రాంగణంలో గత ప్రభుత్వం అన్న క్యాంటీన్‌ను నిర్మించింది. అక్కడ రోజు 1,000 మంది ఆకలి తీర్చుకునేవారు.ఏపీలో వైకాపా ప్రభుత్వం వచ్చాక అన్న క్యాంటీన్‌ను మూసివేసింది. ఆ భవనాన్ని వార్డు సచివాలయంగా మార్చింది. పేదల ఆకలి తీర్చాలనే తపనను మాత్రం అడ్డుకోలేకపోయింది. దాతలు మాత్రం తమ సేవా పథాన్ని మొబైల్‌ అన్న క్యాంటీన్‌ రూపంలో కొనసాగిస్తున్నారు. సిద్ధం చేసిన భోజనాన్ని వాహనంలో ఆసుపత్రి వద్దకు తెస్తున్నారు. ప్రధాన రోడ్డు పక్కన ఖాళీ స్థలంలో వాహనం నిలిపి అవసరమైన వారికి వడ్డిస్తున్నారు. కూర్చొని తినేందుకు చోటు లేక అక్కడికొచ్చే వారు ఇబ్బంది పడుతున్నారు. ప్రస్తుతం రూ.2లకే రోజుకు 1,000 మందికి భోజనం పెడుతున్నారు.