అరసవల్లిలో వైభవంగా రథసప్తమి

శ్రీకాకుళం సాంస్కృతికం, అరసవల్లి, న్యూస్‌టుడే: శ్రీకాకుళం జిల్లా అరసవల్లిలో రథసప్తమి వేడుకలు శనివారం వైభవంగా జరిగాయి. సూర్యనారాయణస్వామి నిజరూపంలో దర్శనమిచ్చారు. ప్రధాన అర్చకులు ఇప్పిలి శంకర శర్మ, నగేష్‌ శర్మ నిర్వహణలో విశేష అర్చనలు, సేవలు జరిపారు. దేవాదాయశాఖ మంత్రి కొట్టు సత్యనారాయణ, కమిషనర్‌ హరి జవహర్‌లాల్‌.. స్వామికి పట్టువస్త్రాలు సమర్పించారు. వీఐపీల క్యూలైన్‌లోకి పోలీసులు, అధికారుల కుటుంబాలను అనుమతించడంతో.. భక్తులు గంటల తరబడి నిరీక్షించాల్సి వచ్చింది. దీనిపై పలువురు భక్తులు తీవ్ర ఆగ్రహం వ్యక్తం చేశారు.