జగన్‌ను కలిసిన ప్రేరణకర్త నిక్‌ వుజిసిక్‌

ఈనాడు డిజిటల్‌, అమరావతి:  ప్రఖ్యాత ప్రేరణకర్త, రచయిత నిక్‌ వుజిసిక్‌ బుధవారం తాడేపల్లిలోని క్యాంపు కార్యాలయంలో సీఎం జగన్‌ను కలిశారు. నిక్‌ వుజిసిక్‌ను జగన్‌ ఆత్మీయంగా ఆలింగనం చేసుకున్నారు. ఈ సందర్భంగా నిక్‌ మాట్లాడుతూ..‘‘ సీఎం జగన్‌ను కలవడాన్ని గౌరవంగా భావిస్తున్నా. రాష్ట్రంలో విద్య, వైద్యం, వ్యవసాయ రంగాల్లో అందరికీ సమాన అవకాశాలు కల్పిస్తున్నారు. నా జీవితం గురించి ఆటిట్యూడ్‌ ఈజ్‌ ఆల్టిట్యూడ్‌ పేరుతో పదో తరగతి ఆంగ్లంలో ఓ పాఠ్యాంశంగా ప్రవేశపెట్టడం ఆనందం కలిగించే అంశం’’ అని పేర్కొన్నారు.