సీపీఎస్ స్థానంలో జీపీఎస్
కాంట్రిబ్యూటరీ పింఛను పథకం (సీపీఎస్)లో ఉన్న ఉద్యోగులకు దాని స్థానంలో గ్యారంటీ పింఛను పథకం (జీపీఎస్) వర్తింపు, రాష్ట్ర విభజన నాటికి అయిదేళ్లుగా కాంట్రాక్టు ఉద్యోగులుగా పనిచేస్తున్నవారిని క్రమబద్ధీకరించడం, వివిధ శాఖల్లో 6,840 పోస్టుల భర్తీ, వైద్య విధానపరిషత్ను ప్రభుత్వ శాఖగా మార్చి, అందులోని ఉద్యోగులను విలీనం చేయడం, చిత్తూరు డెయిరీకి చెందిన 28.35 ఎకరాలను అమూల్కు 99 ఏళ్లపాటు లీజుకు ఇవ్వడం.. వంటి పలు నిర్ణయాలకు రాష్ట్ర మంత్రిమండలి ఆమోదం తెలిపింది.
ఉద్యోగుల చివరి నెల జీతంలోని మూలవేతనంలో 50 శాతం పింఛను, ఏటా రెండు డీఆర్లు
10 వేల మంది కాంట్రాక్టు ఉద్యోగుల క్రమబద్ధీకరణ
వివిధ శాఖల్లో 6,840 పోస్టుల భర్తీకి నోటిఫికేషన్లు
28.35 ఎకరాల చిత్తూరు డెయిరీ భూములు అమూల్కు 99 ఏళ్లపాటు లీజుకు
రాష్ట్ర మంత్రిమండలి నిర్ణయాలు
ఈనాడు - అమరావతి
కాంట్రిబ్యూటరీ పింఛను పథకం (సీపీఎస్)లో ఉన్న ఉద్యోగులకు దాని స్థానంలో గ్యారంటీ పింఛను పథకం (జీపీఎస్) వర్తింపు, రాష్ట్ర విభజన నాటికి అయిదేళ్లుగా కాంట్రాక్టు ఉద్యోగులుగా పనిచేస్తున్నవారిని క్రమబద్ధీకరించడం, వివిధ శాఖల్లో 6,840 పోస్టుల భర్తీ, వైద్య విధానపరిషత్ను ప్రభుత్వ శాఖగా మార్చి, అందులోని ఉద్యోగులను విలీనం చేయడం, చిత్తూరు డెయిరీకి చెందిన 28.35 ఎకరాలను అమూల్కు 99 ఏళ్లపాటు లీజుకు ఇవ్వడం.. వంటి పలు నిర్ణయాలకు రాష్ట్ర మంత్రిమండలి ఆమోదం తెలిపింది. ముఖ్యమంత్రి జగన్ మోహన్రెడ్డి అధ్యక్షతన సచివాలయంలో జరిగిన మంత్రివర్గ సమావేశంలో 63 నిర్ణయాలను కేబినెట్ ఆమోదించింది. సమాచార, పౌరసంబంధాల శాఖ మంత్రి వేణుగోపాలకృష్ణ విలేకర్ల సమావేశంలో వెల్లడించిన వివరాలివీ..
* సీపీఎస్ విధానం రద్దు చేసి, జీపీఎస్ విధానం తీసుకొచ్చేందుకు మంత్రి మండలి ఆమోదం తెలిపింది. దీని ప్రకారం ఉద్యోగి పదవీ విరమణ చేసే చివరి నెల మూలవేతనం (బేసిక్)లోని 50 శాతం పింఛనుగా వస్తుంది. దీనికి ఏటా రెండు డీఆర్లు కలుపుతారు. 62 ఏళ్లకు పదవీవిరమణ చేసే ఓ ఉద్యోగి చివరి నెల బేసిక్ రూ.లక్ష ఉంటే, అందులో రూ.50 వేలు పింఛనుగా వస్తుంది. ఏడాదికి రెండు డీఆర్లు కలుపుతూ ఉంటే, ఉద్యోగికి 82 ఏళ్లు వచ్చేసరికి పింఛను రూ.1.10 లక్షలు అవుతుంది. ఈ విధానం దేశంలోనే ఆదర్శంగా నిలవనుంది.
* 2014 జూన్ 2 (రాష్ట్ర విభజన తేదీ) నాటికి అయిదేళ్ల సర్వీసు ఉన్న సుమారు 10 వేల మంది కాంట్రాక్టు ఉద్యోగుల క్రమబద్ధీకరణ.
* ఏపీ వైద్యవిధాన పరిషత్ స్వయంప్రతిపత్తిని రద్దు చేసి, డైరెక్టర్ ఆఫ్ సెకండరీ హెల్త్ శాఖగా మార్పు. ఇందులోని 14,653 మంది ఉద్యోగులకు ఇతర ప్రభుత్వ ఉద్యోగుల మాదిరిగా 010 పద్దు నుంచి జీతాల చెల్లింపు.
* అన్ని జిల్లా కేంద్రాల్లోని ఉద్యోగులకు ఒకే విధంగా ఇంటి అద్దె భత్యం (హెచ్ఆర్ఏ) అమలు. కొన్ని జిల్లా కేంద్రాల్లో 12శాతం ఉన్న హెచ్ఆర్ఏ 16 శాతానికి పెంపు.
* 2022 జనవరి డీఏ, డీఆర్ 2.73 శాతం మంజూరు.
* 12వ వేతన సవరణ కమిషన్ ఏర్పాటుకు నిర్ణయం.
మూడు వైద్య కళాశాలలకు 2,118 పోస్టులు
* పలు శాఖల్లో 6,840 పోస్టుల భర్తీకి నోటిఫికేషన్ల విడుదలకు నిర్ణయం. ఇందులో నాలుగు ఇండియన్ రిజర్వ్ బెటాలియన్లకు 3,920 పోస్టుల మంజూరు
* వచ్చే ఏడాదికి సిద్ధం కానున్న పులివెందుల, పాడేరు, ఆదోని వైద్య కళాశాలలకు.. ఒక్కోదానికి 706 పోస్టుల చొప్పున మొత్తం 2,118 పోస్టుల మంజూరు
* మానసిక సమస్యలతో బాధపడుతున్న పిల్లలకు సూపర్ స్పెషాలిటీ సేవల కోసం విశాఖలోని ప్రభుత్వ మానసిక చికిత్సాలయంలో కొత్తగా అడాలసెంట్ అండ్ చైల్డ్ సైకియాట్రీ విభాగంతోపాటు, చైల్డ్ సైకియాట్రీలో ఓ సూపర్ స్పెషాలిటీ యూనిట్ ఏర్పాటు. ఇందులో 11 పోస్టుల మంజూరు
* కడప మానసిక వైద్య కళాశాలకు కొత్తగా 116 పోస్టులు
* పశ్చిమగోదావరి జిల్లా నరసాపురంలో ఏర్పాటు చేయనున్న ఫిషరీస్ విశ్వవిద్యాలయానికి 65 పోస్టులు, నరసాపురం సైన్స్ కళాశాలకు 75 పోస్టులు
* ఉద్దానం కిడ్నీ ఆసుపత్రిలో రెగ్యులర్ విధానంలో 41 మంది స్పెషాల్టీ, సూపర్ స్పెషాల్టీ వైద్యుల నియామకం
* చిత్తూరు డెయిరీ భూములు 28.35 ఎకరాలను అమూల్కు 99 ఏళ్లపాటు లీజుకు ఇచ్చేందుకు నిర్ణయం
* గ్రీన్ హైడ్రోజన్, గ్రీన్ అమ్మోనియా విధానానికి ఆమోదం. ఏడాదికి 0.5 మిలియన్ మెట్రిక్ టన్నుల హైడ్రోజన్, 2 మిలియన్ మెట్రిక్ టన్నుల ఆమ్మోనియాను అయిదేళ్లలో ఉత్పత్తి చేయాలనేది లక్ష్యం. ఈ పరిశ్రమల ఏర్పాటు ద్వారా 12 వేల మందికి ఉద్యోగాల కల్పన
* అనంతపురం, శ్రీ సత్యసాయి జిల్లాల్లో రెన్యూ వొయేమాన్ పవర్ ప్రైవేట్ లిమిటెడ్ 300 మెగావాట్ల పవన విద్యుత్ ప్రాజెక్టు ఏర్పాటుకు ఆమోదం. దీనివల్ల రూ.1,800 కోట్ల పెట్టుబడులతో 300మందికి ఉద్యోగాల కల్పన
12న విద్యాకానుక, 28న అమ్మఒడి
* ఈ నెల 12న జగనన్న విద్యాకానుక అమలు. ఒక్కో విద్యార్థికి రూ.2,200 విలువైన కిట్ను అందజేయనున్నాం.
* ఈ నెల 28 నుంచి అమ్మ ఒడి. పది రోజులపాటు కార్యక్రమం నిర్వహణ.
* ‘జగనన్న ఆణిముత్యాలు’ కార్యక్రమం కింద పదో తరగతి, ఇంటర్ ద్వితీయ సంవత్సరంలో ఉత్తమ ప్రతిభ చూపిన విద్యార్థులకు ఈ నెల 15న నియోజకవర్గ స్థాయిలో, 17న జిల్లా స్థాయిలో, 20న రాష్ట్ర స్థాయిలో ఎక్సలెన్స్ అవార్డులు అందజేసి, సన్మానం.
* ప్రభుత్వ బడుల్లో చదివే విద్యార్థుల్లో కమ్యూనికేషన్ స్కిల్స్ పెంచేందుకు టోఫెల్ పరీక్షల నిర్వహణ. ఇందుకు ఈటీఎస్తో చేసుకున్న ఒప్పందానికి ఆమోదం. మూడు నుంచి అయిదో తరగతి విద్యార్థులకు టోఫెల్ ప్రైమరీ, 6 నుంచి 9వ తరగతి విద్యార్థులకు టోఫెల్ జూనియర్ పరీక్షలు నిర్వహించి, ప్రతిభ చూపిన వారికి ధ్రువపత్రాలు ఇస్తారు. పిల్లలు ఉత్తమ ప్రతిభ చూపితే వారి ఇంగ్లిష్ టీచర్ను మూడు రోజుల శిక్షణ కోసం అమెరికాలోని ప్రిన్స్టన్కు పంపించేలా నిర్ణయం.
* బడుల్లో అమలవుతున్న కార్యకలాపాల పర్యవేక్షణకు రెవెన్యూ డివిజన్ స్థాయిలోనూ ఉప విద్యాశాఖాధికారి నియామకం.
* ప్రతి మండలంలో రెండు జూనియర్ కళాశాలల మంజూరు. మండలంలో జనాభా ఎక్కువగా ఉండే రెండు పట్టణాలు లేదా గ్రామాలను ఎంపిక చేసి, అక్కడి హైస్కూళ్లను జూనియర్ కళాశాలలుగా అప్గ్రేడ్ చేస్తారు. ఇందులో ఒకటి బాలబాలికలకు, మరొకటి ప్రత్యేకంగా బాలికలకు ఉంటుంది.
* నాడు- నేడు పూర్తి చేసుకొని ఐఎఫ్పీ ప్యానెళ్లు ఏర్పాటు చేసిన 476 జూనియర్ కళాశాలల్లో వాచ్మన్ల నియామకం.
ఏపీఎస్ఎఫ్ఎల్ రూ.445.7 కోట్లు రుణం తీసుకునేందుకు అనుమతి
* మండల కేంద్రం నుంచి ప్రతి గ్రామ పంచాయతీకి ఆప్టికల్ ఫైబర్ కేబుల్ ఏర్పాటు. డిజిటల్ లైబ్రరీలు, గ్రామ సచివాలయాలు, ఆర్బీకేలు, బడులు, పీహెచ్సీలకు హై బ్యాండ్విడ్త్ ద్వారా 5జీ సేవలు. ఇందుకు ఏపీఎస్ఎఫ్ఎల్ రూ.445.7 కోట్లు రుణం తీసుకునేందుకు ఆమోదం
* రాష్ట్రంలో ఆధార్ గుర్తింపు కార్డుకు చట్టబద్ధతకు వీలుగా చట్టసవరణ. ఏపీ ఆధార్ ఆర్డినెన్స్- 2023కు ఆమోదం
*రూ.5 లక్షల్లోపు వార్షిక ఆదాయమున్న ఆలయాల నిర్వహణ అయిదేళ్లపాటు వాటి అర్చకులు, వంశపారంపర్య ధర్మకర్తలకు అప్పగింత
* దేవాదాయ భూముల పరిరక్షణకు చట్టసవరణ. ఆక్రమణలు తొలగించేందుకు, మధ్యంతర ఉత్తర్వులు ఇచ్చేందుకు వీలుగా ఈ సవరణ
* 2017- డెఫ్ ఒలింపిక్స్ టెన్నిస్ మిక్స్డ్ డబుల్స్ కాంస్య పతక విజేత, ఇండియన్ డెఫ్ టెన్నిస్ కెప్టెన్ కుమారి షేక్ జాఫ్రిన్ (కర్నూలు జిల్లా)ను సహకారశాఖలో డిప్యూటీ రిజిస్ట్రార్గా గ్రూప్-1 సర్వీసు కింద నియామకం
భూముల కేటాయింపు
* గుంటూరు జిల్లా తాడేపల్లిలో నేషనల్ సెంటర్ ఫర్ డిసీజ్ కంట్రోల్ సంస్థ ఏర్పాటుకు 2 ఎకరాల ప్రభుత్వ భూమి కేటాయింపు.
* కడప జిల్లా బెస్త సంఘానికి సీకే దిన్నె మండలం మామిళ్లపల్లెలో 3.70 ఎకరాలు, కడప మండలం చిన్నచౌక్లో 3.70 ఎకరాల కేటాయింపు.
* శ్రీ సత్యసాయి జిల్లా గోరంట్ల మండలం పాలసముద్రంలో కేంద్రీయ విద్యాలయం ఏర్పాటుకు 10 ఎకరాల కేటాయింపు. గతంలో నేషనల్ అకాడమీ ఆఫ్ కస్టమ్స్, ఇన్డైరెక్ట్ ట్యాక్సెస్ అండ్ నార్కొటిక్స్ (నాసిన్)కు కేటాయించిన 10 ఎకరాల స్థలాన్ని కేంద్రీయ విద్యాలయం ఏర్పాటుకు వీలుగా మార్పు చేస్తూ నిర్ణయం
* రామాయపట్నం నాన్ మేజర్ పోర్టు కోసం ఏపీ మారిటైమ్ బోర్డుకు నెల్లూరు జిల్లా గుడ్లూరు మండలం రావూరులో 9.46 ఎకరాలు, చేవూరులో 40 సెంట్ల ప్రభుత్వ స్థలాలు బదలాయింపు
* ఏర్పేడు మండలం వికృతమాలలో 15.15 ఎకరాల ప్రభుత్వ భూమిని స్వామినారాయణ్ గురుకుల్ ఇంటర్నేషనల్ స్కూల్ ఏర్పాటుకు కేటాయింపు
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
నిజం చెబితే.. గురువులకు నోటీసులు!
‘ఎప్పుడూ సత్యమే పలకాలని’ పిల్లలకు చెప్పే ఉపాధ్యాయులు.. తాము నిజం చెబితే షోకాజ్ నోటీసులు అందుకోవలసి వస్తోంది. వైకాపాతో అంటకాగుతున్న పాఠశాల విద్యాశాఖలోని ఓ ఉన్నతాధికారి బరితెగించి వ్యవహరిస్తున్నారు. -
కొత్తవారొచ్చారు
ఆంధ్రప్రదేశ్ నిఘా విభాగాధిపతిగా సీనియర్ ఐపీఎస్ అధికారి కుమార్ విశ్వజిత్ను, విజయవాడ నగర పోలీసు కమిషనర్గా పీహెచ్డీ రామకృష్ణను కేంద్ర ఎన్నికల సంఘం నియమించింది. -
ప్రజా రక్షకులు కారు.. వైకాపా సేవకులు!
ఖాకీలంటే... ప్రజారక్షణకు రాఖీలు... కానీ జగన్ హయాంలో కొందరు... వైకాపా పోకిరీలుగా మారి... అధికార పార్టీకి చాకిరీ చేశారు. స్వతంత్రంగా నిష్పాక్షికంగా వ్యవహరిస్తూ- ప్రజల ప్రాణాలు, ఆస్తిపాస్తులు, వారి హక్కులు, గౌరవమర్యాదలను కాపాడటం పోలీసుల విధ్యుక్త ధర్మం. -
యథా రాజ... తథా విద్య!
విద్య లేని వాడు వింత పశువు... మరి విద్యా వ్యవస్థను సర్వనాశనం చేసేవారిని ఏమనాలి? పాఠశాల విద్యార్థులను బైజూస్,బకలారియేట్ విధానాలతో కలవరపెట్టి.. స్కూళ్లలో ఉపాధ్యాయుల ఉనికే లేకుండా చేసి... ఎయిడెడ్ పాఠశాలలను బెదిరించి...మూయించి... ఇంటర్ విద్యార్థులకిచ్చే ఉచిత పుస్తకాల పంపిణీ రద్దు చేసి.. ఇంటర్న్షిప్ పేరుతో డిగ్రీ విద్యార్థులతో రొయ్యలు ఒలిపించి.. పీజీ విద్యార్థుల ఫీజు రీయింబర్స్మెంట్ రద్దు చేసి.. విశ్వవిద్యాలయాలను రాజకీయ కార్యకలాపాలకు బలిచేసి... చదువుకోవాలనుకునే వారిని పక్కరాష్ట్రాలకు వలస పంపించింది అక్షరాలా... జగన్ సర్కారే! -
‘కోడ్’ కొండెక్కుతోంది?
ఎన్నికల కోడ్ అమల్లో ఉండగా ఆంధ్ర విశ్వవిద్యాలయం సైన్స్ కళాశాల ఆధ్వర్యంలో ఈ నెల 26న ‘ఎచీవర్స్ డే’ పేరుతో భారీ సమావేశం నిర్వహిస్తుండటంపై అనుమానాలు వ్యక్తమవుతున్నాయి. -
ఐఏఎస్ అధికారి గుల్జార్పై నిప్పులు చెరిగిన హైకోర్టు
ఓ వ్యక్తికి కారుణ్య నియామకం కింద ఉద్యోగం ఇచ్చే విషయంలో హైకోర్టు ఆదేశాలకు భిన్నంగా ఉత్తర్వులిచ్చిన ఐఏఎస్ అధికారి, ఆర్థికశాఖ పూర్వ ముఖ్య కార్యదర్శి ఎన్.గుల్జార్పై హైకోర్టు నిప్పులు చెరిగింది. -
తెలుగు మాధ్యమంలో ఉత్తీర్ణత ఉద్దేశపూర్వకంగానే తగ్గిస్తున్నారా?
రాష్ట్ర ప్రభుత్వం 2019 నుంచి తెలుగు మాధ్యమాన్ని పూర్తిగా రద్దు చేయాలని కంకణం కట్టుకుందని సామాజిక కార్యకర్త డాక్టర్ గుంటుపల్లి శ్రీనివాస్ ఆందోళన వ్యక్తం చేశారు. -
భారీ యంత్రాలతో ఇసుక తోడేద్దాం..
రాష్ట్రంలో ‘ముఖ్య’ నేత సోదరుడి కనుసన్నల్లో సాగుతున్న ఇసుక దోపిడీని మరింత భారీ స్థాయిలో చేసేందుకు రంగం సిద్ధమవుతోంది. -
స్వగ్రామాల్లో జీవనం సాగించేలా పిటిషనర్లకు రక్షణ కల్పించండి
రాజకీయ కక్షతో తమను గ్రామాల నుంచి తరిమేసిన వైకాపా ఎమ్మెల్యే పిన్నెల్లి రామకృష్ణారెడ్డి, ఆయన అనుచరుల నుంచి రక్షణ కల్పించేలా పోలీసులను ఆదేశించాలని కోరుతూ దాఖలైన వ్యాజ్యాలపై హైకోర్టు స్పందించింది. -
అవినీతి ‘ప్రసాద’ం.. దందాల ‘రాజ’సం!
ఇసుకలో కోట్లాది రూపాయల సారం.. ఇళ్ల పట్టాల్లోనూ నిబంధనల పేరిట బేరం.. కాగితాలకు దొరకని వ్యాపారం.. బినామీలు, అనుచరులతోనే వ్యవహారం.. వంతెన మార్గాన్నే మార్చి భూముల పందేరం.. కొవిడ్ విరాళాల్లో స్వాహాకారం.. మొత్తంగా.. ఆ గోదారి తీరం.. అక్కడి ప్రజాప్రతినిధికి వేయాలి అవినీతి హారం.. వెరసి పేదలు, సామాన్యుల హాహాకారం.. -
పేరుకే పెంపు.. ఊకదంపు
పేదలే నా ప్రాణం... వారి ఆయురారోగ్యాలే నా ధ్యేయం... ఆరోగ్యశ్రీ వారి కోసమేనంటూ... జగన్ తన ప్రసంగాల్లో ఊదరగొడుతున్నారు... వాస్తవంగా చూస్తే పథకానికే అనారోగ్యమొచ్చింది... ప్రచారం చేసుకుంటున్నంత గొప్పతనమేమీ లేదు! ప్రభుత్వ ఉద్యోగులను పట్టించుకోవడమే లేదు!! -
హీరో ఎవరు? విలన్ ఎవరు?
‘మనమంతా సినిమాకు పోతాం. ఆ సినిమాలో హీరో ఎందుకు నచ్చుతాడో, విలన్ ఎందుకు నచ్చడో అందరూ ఆలోచించాలి. -
ఓటమి ‘కాసు‘క్కూర్చుంది!
ఈ అయిదేళ్లలో గురజాల పట్టణంలో ప్రభుత్వం చేసిన అభివృద్ధి ఏమీ లేదు. ఈ రోడ్లు కూడా గత ప్రభుత్వంలో వేసినవే. అందువల్లే ఈసారి ఇక్కడ మార్పు కావాలనుకుంటున్నాం. -
నిఘా విభాగాధిపతి పోస్టుకు సంజయ్ పేరు ఎలా ప్రతిపాదిస్తారు?
నిఘా విభాగాధిపతి పోస్టు కోసం ముగ్గురు అధికారుల పేర్లతో పంపిన ప్యానల్ జాబితాలో సీఐడీ విభాగాధిపతి ఎన్.సంజయ్ పేరును.. ప్రభుత్వ ప్రధాన కార్యదర్శి కె.ఎస్.జవహర్రెడ్డి చేర్చడంపై విమర్శలు వ్యక్తమవుతున్నాయి. -
పండుటాకులపై పగ.. ఇది జగన్ మార్కు దగా.. అ‘విశ్రాంత’ ఆవేదన
బాధ్యతల బరువును మోసి... జీవితమంతా ఎన్నో శ్రమలకోర్చి... ఇక హాయిగా ఉందామనుకున్న విశ్రాంత ఉద్యోగుల బతుకుల్లో జగన్ రేపిన కల్లోలం అంతా ఇంతా కాదు... ఐఆర్, డీఆర్లకు గండికొట్టి... క్వాంటం పెన్షన్లలో కొర్రీ పెట్టి... వచ్చే ఆ నాలుగు రూపాయలనూ సమయానికి రాకుండా చేసి...వారిని రోడ్డున పడేశారు. చివరకు వారూ ధర్నాలు చేసే పరిస్థితి తెచ్చారు. -
ఫాం-12 సమర్పించినా రశీదు ఇవ్వడం లేదు
ఎన్నికల విధుల్లో భాగస్వాములయ్యే ఉద్యోగుల పోస్టల్ బ్యాలట్లపై ఉద్యోగులు అనేక అనుమానాలు వ్యక్తం చేస్తున్నారు. పోస్టల్ బ్యాలట్ ఫాం-12 సమర్పించినా కొన్ని చోట్ల రశీదులు ఇవ్వడం లేదు. -
నేడు 54 మండలాల్లో తీవ్ర వడగాలులు
రాష్ట్రంలో ఎండ తీవ్రత క్రమంగా పెరుగుతోంది. బుధవారం 69 మండలాల్లో తీవ్ర వడగాలులు, 105 మండలాల్లో వడగాలులు వీచాయి. -
గిరిజన మహిళలను దూషిస్తే కేసు నమోదు చేయరా?
‘‘యానాదోళ్ల అమ్మాయి తెదేపాలో చేరారు. ఆమె నెత్తిన రూపాయి పెడితే ఐదు పైసలు విలువ చేయరు. గతంలో వాలంటీరుగా ఉంటే.. గౌతమ్బాబు ఆత్మకూరు ఛైర్పర్సన్గా చేశారు. -
చెల్లెమ్మలకు ఏం సమాధానం చెబుతారు జగన్?
‘మీ ఆడబిడ్డలం కొంగు చాచి అడుగుతున్నాం. న్యాయం చేయండి. ఒకవైపు రాజశేఖరరెడ్డి బిడ్డ ఎన్నికల్లో నిలబడింది.. మరోవైపు రాజశేఖరరెడ్డి తమ్ముడు వివేకా హత్య కేసులో నిందితుడు బరిలో ఉన్నారు. -
జగన్.. మరీ ఇంత బరితెగింపా?
నా ఎస్సీలు.. అంటూ నిత్యం మైకు ముందు దళితులపై ప్రేమ ఒలకబోస్తున్నట్లు నటించే జగన్ నిజస్వరూపం ఏమిటో మరోసారి బయటపడింది. -
మహాత్ముడు మన్నించినా.. ప్రజలు క్షమించరు!
ఎన్టీఆర్ జిల్లా నందిగామలో వైకాపా అభ్యర్థి మొండితోక జగన్మోహనరావు నామినేషన్ ర్యాలీ సందర్భంగా బుధవారం ఆ పార్టీ నాయకులు, కార్యకర్తలు హంగామా సృష్టించారు.
తాజా వార్తలు (Latest News)
-
ఈనాడు.నెట్లో టాప్ 10 వార్తలు @ 9 AM
-
శరీర బరువు తగ్గించే శస్త్రచికిత్సకు వెళ్లి..
-
సీఎంపై గులకరాయి వేసినా పట్టుకుంటారు... ఆయన బాబాయ్ను గొడ్డలితో నరికినా పట్టదా?
-
పులివెందులలోనూ పరదాల వీరుడే.. నేడు సీఎం జగన్ నామినేషన్
-
నేడు ఉప్పల్లో ఐపీఎల్ మ్యాచ్.. ట్రాఫిక్ మళ్లింపు
-
తాగి చెస్ ఆడా.. ప్యాంట్లో మూత్రం పోసుకున్నా..