శ్రీవారి ఆలయ సమీపంలో ముద్దుపై విమర్శలు

ఆదిపురుష్‌ దర్శకుడి చర్యపై దుమారం

తిరుమల, న్యూస్‌టుడే: ఆదిపురుష్‌ చిత్ర దర్శకుడు ఓం రౌత్‌, హీరోయిన్‌ కృతిసనన్‌తో పాటు చిత్రబృంద సభ్యులు బుధవారం ఉదయం శ్రీవారి అర్చనానంతర సేవలో పాల్గొన్నారు. అనంతరం ఆలయం సమీపంలో ఓం రౌత్‌.. కృతిసనన్‌కు వీడ్కోలు చెబుతూ ఆమెను ఆలింగనం చేసుకుని ముద్దుపెట్టారు. ఈ దృశ్యాలు సామాజిక మాధ్యమాల్లో వైరల్‌ అయ్యాయి. ఆలయం సమీపంలో ఆయన ఇలా చేయడంతో విమర్శలు వచ్చాయి.

వదంతులు నమ్మొద్దు: ఎస్పీ

తిరుపతి (నేరవిభాగం): ఆదిపురుష్‌ సినిమా ప్రదర్శించే థియేటర్‌లోకి ఓ సామాజికవర్గానికి ప్రవేశం లేదంటూ సామాజిక మాధ్యమాల్లో జరుగుతున్న ప్రచారాన్ని నమ్మవద్దని ఎస్పీ పరమేశ్వరరెడ్డి కోరారు. వైరల్‌ అవుతున్న ఆ పోస్టర్‌ను ఎవరైనా సామాజిక మాధ్యమాల్లో పోస్టు చేసినా, ప్రజలను నమ్మించే ప్రయత్నం చేసినా చట్ట ప్రకారం చర్యలు తీసుకుంటామని హెచ్చరించారు.