Eluru: చేపల చెరువు కాదు.. రహదారే!

ఏలూరు జిల్లా మండవల్లి మండలం చింతపాడు రహదారి అధ్వానంగా మారింది. ఈ దారిలో అడుగడుగునా గోతులే కనిపిస్తాయి. ఈ మార్గంలో ఆక్వా ఉత్పత్తుల వాహనాలు వెళ్తుంటే.. కుదుపులకు వాటిలోంచి చేపలు ఎగిరి రోడ్డుపై పడుతున్నాయి. వర్షం వచ్చిందంటే గ్రామస్థులు అడుగు బయటపెట్టేందుకు భయపడుతున్నారు. ఏ గొయ్యి ఎంత లోతు ఉందో అర్థంకాక ప్రమాదాలకు గురవుతున్నామని ఆవేదన చెందుతున్నారు. ఏలూరు నుంచి కైకలూరు, ఆకివీడు, భీమవరం, నరసాపురం వెళ్లే బస్సులన్నీ ఇటు నుంచే రాకపోకలు సాగిస్తుంటాయి. గత నాలుగేళ్లలో ఈ రోడ్డును ఒక్కసారే మరమ్మతు చేశారు.

ఈనాడు, ఏలూరు