ప్రజా వ్యతిరేక విధానాలపై గళమెత్తాలి: బాలకృష్ణ

ఈనాడు, రాజమహేంద్రవరం, న్యూస్‌టుడే, టి.నగర్‌: రాష్ట్ర ప్రభుత్వ ప్రజా వ్యతిరేక విధానాలను ప్రజల్లోకి బలంగా తీసుకెళ్లి తెదేపా గళం వినిపించాలని తెలుగు మహిళలకు ప్రముఖ సినీనటుడు, హిందూపురం ఎమ్మెల్యే నందమూరి బాలకృష్ణ సూచించారు. రాజమహేంద్రవరంలో చంద్రబాబు కుటుంబసభ్యులు బస చేసిన ప్రాంతానికి వచ్చిన మహిళలు, నాయకులతో బాలకృష్ణ కాసేపు మాట్లాడారు.

25 వరకు ప్రత్యేక వైద్య బృందం

రాజమహేంద్రవరం వైద్యం: చంద్రబాబుకు వీవీఐపీ కేటగిరీలో భాగంగా ఏర్పాటుచేసిన వైద్య బృందం సేవలు ఈ నెల 25 వరకు పొడిగిస్తూ రాజమహేంద్రవరం జీజీహెచ్‌ సూపరింటెండెంట్‌ డాక్టర్‌ లక్ష్మీసూర్యప్రభ శనివారం ఉత్తర్వులిచ్చారు. 9 మందితో కూడిన వైద్యసిబ్బంది అందుబాటులో ఉన్నారు.