Vizag: రుషికొండపై చకచకా పనులు.. కేసులున్నా వెనక్కి తగ్గకుండా..

ఈనాడు, విశాఖపట్నం: విశాఖలోని రుషికొండపై పర్యాటక పునరుద్ధరణ ప్రాజెక్టు పేరుతో సాగుతున్న నిర్మాణాలపై కేసులున్నా... అధికార యంత్రాంగం వెనక్కి తగ్గడం లేదు. ఎన్నో వివాదాలు నెలకొన్న ఈ ప్రాజెక్టులో నిబంధనల ఉల్లంఘనలూ బయటపడ్డాయి. అయినా సరే పనులు చకచకా చేసేస్తున్నారు. విశాఖ నుంచి పాలన కొనసాగిస్తామంటున్న వైకాపా నేతల ప్రకటనలకు అనుగుణంగా, సీఎం నివాస సముదాయమిదే అన్న రీతిలో రుషికొండపై భవనాలను తీర్చిదిద్దుతున్నారనే అంశం స్థానికంగా చర్చనీయాంశమైంది. ఇప్పటికే భవనాల దగ్గర రహదారి పనులు ఆరంభించారు. మరోవైపు విశాఖ నుంచి భీమిలి వెళ్లే బీచ్‌రోడ్డును కొన్నిచోట్ల విస్తరిస్తున్నారు.