బాబు అరెస్టుతో మనోవేదనకు గురై మరో నలుగురి మృతి

న్యూస్‌టుడే బృందం: తెదేపా అధినేత చంద్రబాబు అరెస్టును తట్టుకోలేక మనోవేదనకు గురై మరో నలుగురు మృతి చెందారు. చంద్రబాబును నిర్బంధించారని మనస్తాపానికి గురై విశాఖ నగరం గాజువాక భానోజీతోటకు చెందిన ఉప్పలపాటి సరోజిని(58) ఆదివారం రాత్రి మృతి చెందారని ఆమె కుటుంబ సభ్యులు తెలిపారు. ఇదే కోవలో ఏలూరు జిల్లా చాట్రాయి మండలం కోటపాడు గ్రామ తెదేపా ప్రధాన కార్యదర్శి వేముల రామారావు(53) సోమవారం, అనకాపల్లి జిల్లా మునగపాక మండలం తోటాడ శివారు గవర్ల అనకాపల్లికి చెందిన తెదేపా సీనియర్‌ కార్యకర్త మత్తుర్తి వెంకటరావు (53) ఆదివారం రాత్రి, కృష్ణా జిల్లా తోట్లవల్లూరు మండలం వల్లూరుపాలెం గ్రామానికి చెందిన దేవినేని శకుంతల(82) ఆదివారం మృతిచెందారు.