నాన్న జ్ఞాపకాలతో నా హృదయం నిండిపోయింది

నారా భువనేశ్వరి భావోద్వేగం

ఈనాడు డిజిటల్‌, అమరావతి: తండ్రి ఎన్టీఆర్‌ జ్ఞాపకాలతో తన హృదయం నిండిపోయిందని తెదేపా అధినేత చంద్రబాబు సతీమణి నారా భువనేశ్వరి భావోద్వేగానికి గురయ్యారు. తెలుగుజాతి కోసం ఎన్టీఆర్‌ తన జీవితాన్ని అంకితం చేశారని గుర్తుచేసుకున్నారు. ‘‘సత్యం ఎంత కఠినంగా ఉన్నా ఆచరించాలని, కట్టుబడి ఉండాలని ఆయన ఎప్పుడూ మాకు బోధించేవారు. న్యాయం కోసం ఎన్టీఆర్‌ చేసిన పోరాటం అందరికీ స్ఫూర్తిదాయకం. తెలుగు వారికి సేవ చేయటంలో ఆయన చూపిన అంకితభావం.. ప్రజలతో పాటు ఎన్టీఆర్‌ సంతానంగా మాకు ఆదర్శం’’ అని సోమవారం ట్విటర్‌ వేదికగా కీర్తించారు.