Published : 28 Jul 2022 20:40 IST

5G auction: 16 రౌండ్ల బిడ్లు పూర్తి.. నాలుగో రోజూ కొనసాగనున్న స్పెక్ట్రమ్‌ వేలం

దిల్లీ: రెండ్రోజుల్లోనే ముగుస్తుందనుకున్న 5జీ స్పెక్ట్రమ్‌ వేలం (5G auction) ప్రక్రియ మరో రోజూ కొనసాగనుంది. మంగళవారం ఈ ప్రక్రియ ప్రారంభం కాగా.. శుక్రవారం సైతం కొనసాగుతుందని కేంద్ర టెలికాం శాఖ మంత్రి అశ్వినీ వైష్ణవ్‌ తెలిపారు. గురువారం నాటి వేలం ప్రక్రియ ముగిసే సమయానికి 16 రౌండ్లు బిడ్లు దాఖలైనట్లు పేర్కొన్నారు. మొత్తం రూ.1,49,623 కోట్ల విలువైన బిడ్లు వచ్చాయని చెప్పారు. గ్రామీణ ప్రాంతాల్లో సైతం సేవలు అందించేందుకు టెలికాం సంస్థలు ఆసక్తిగా ఉన్నాయని మంత్రి వెల్లడించారు.

రూ 4.3 లక్షల కోట్ల విలువైన 72 GHz స్పెక్ట్రమ్‌ను కేంద్రం ఈ సారి వేలానికి ఉంచిన సంగతి తెలిసిందే. ముకేశ్‌ అంబానీ, సునీల్‌ భారతీ మిత్తల్‌, గౌతమ్‌ అదానీల సంస్థలతో పాటు వొడాఫోన్‌ ఐడియా ఈ వేలంలో పాల్గొంటున్నాయి. తొలి రోజు 4, రెండో రోజు 5, మూడో రోజు 7 రౌండ్లు బిడ్లు దాఖలయ్యాయి. ముకేశ్‌ అంబానీ సంస్థ రిలయన్స్‌ జియో వేలంలో అత్యధిక స్పెక్ట్రమ్‌ను కొనుగోలు చేసే అవకాశాలు ఉన్నాయని విశ్లేషకులు చెబుతున్నారు. వేలం పూర్తయ్యాక స్పెక్ట్రమ్‌ను ఆగస్టు 14 కల్లా కేటాయించాలన్నది ప్రభుత్వ లక్ష్యం కాగా.. సెప్టెంబరు కల్లా దేశంలో 5జీ సేవలు ప్రారంభం కానున్నాయి.


5జీ కథనాలు..

 


 

Read latest Business News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని