AirAsia: మే15 వరకూ ఆ ఛార్జీలు ఉండవు

న్యూదిల్లీ: టికెట్‌ బుక్‌ చేసుకున్న తర్వాత పరిస్థితులు సహకరించని కారణంగా సమయం, తేదీ మార్చుకుంటే అందుకు విమానయాన సంస్థలు అదనపు మొత్తాన్ని వసూలు చేస్తాయన్న సంగతి తెలిసిందే. మే 15వ తేదీ వరకూ బుక్‌ చేసుకున్న టికెట్లకు సంబంధించి సమయం, తేదీ మార్పులు చేసుకునే ప్రయాణీకులపై ఎలాంటి రుసుములు విధించమని ఎయిర్‌ ఏషియా తెలిపింది.

‘మే 15వ తేదీ వరకూ బుక్‌ చేసుకున్న టికెట్లపై సమయం, తేదీలను ఎన్నిసార్లైనా మార్చుకోవచ్చు. ఇందుకు ఎలాంటి రుసుము వసూలు చేయబోం’ అని ఎయిర్‌ ఏషియా ప్రకటించింది. ప్రస్తుతం దేశవ్యాప్తంగా కొవిడ్‌ సెకండ్‌ వేవ్‌ విజృంభిస్తుండటంతో పలు ప్రాంతాల్లో కఠిన ఆంక్షలు అమలు చేస్తున్నారు. దీనిని దృష్టిలో పెట్టుకుని ఇండిగో, స్పైస్‌ జెట్‌లు కూడా ఈ సదుపాయాన్ని కల్పిస్తున్నట్లు ప్రకటించాయి. అయితే స్పైస్‌జెట్‌ మాత్రం ప్రయాణానికి ఐదు రోజుల ముందు వరకూ మాత్రమే తేదీ, సమయం మార్చుకునే అవకాశం కల్పిస్తోంది. అంతకుముందు ఇది రోజులు ఉండేది.