Anil Ambani: సుప్రీం కోర్టులో అనిల్‌ అంబానీకి ఊరట 

ఇంటర్నెట్‌డెస్క్‌: ఆర్థిక కష్టాల్లో ఉన్న అనిల్‌ అంబానీకి సుప్రీం కోర్టులో ఊరట లభించింది. దిల్లీ మెట్రో - రిలయన్స్‌ ఇన్‌ఫ్రా కేసులో నేడు సర్వోన్నత న్యాయస్థానం తీర్పు వెలువరించింది. 2017లో ఆర్బిట్రేషన్‌ ట్రైబ్యూనల్‌ ఇచ్చిన తీర్పును సమర్థించింది. రిలయన్స్‌ ఇన్‌ఫ్రాకు వడ్డీతో కలిపి పరిహారం చెల్లించాలని దిల్లీ మెట్రోను ఆదేశించింది. కంపెనీ లెక్కల ప్రకారం ఇది సుమారు రూ.4,660 కోట్ల వరకు ఉంటుంది. తీవ్ర ఆర్థిక ఇబ్బందుల్లో ఉన్న అనిల్‌ అంబానీ సంస్థలకు ఈ తీర్పు భారీ ఊరటనిచ్చినట్లయింది. ఈ తీర్పు నేపథ్యంలో రిలయన్స్‌ ఇన్‌ఫ్రా షేరు దాదాపు 5శాతం లాభపడింది. 

రిలయన్స్‌ ఇన్ఫ్రాకు చెందిన ఒక విభాగం 2008లో దేశంలోనే తొలి ప్రైవేటు రైలు సేవలు అందించేందుకు ఒప్పందం చేసుకొంది. కానీ ఫీజు, నిర్వహణ అంశాల్లో వివాదం చెలరేగడంతో 2012లో కాంట్రాక్టు నుంచి బయటకు వచ్చేసింది. పరిహారం కోసం దిల్లీ మెట్రోపై ఆర్బిట్రేషన్‌ కేసు దాఖలు చేసింది.