పార్లమెంట్‌ ఆమోదం దివాలా స్మృతి సవరణ బిల్లుకు

దిల్లీ: ఇన్‌సాల్వెన్సీ అండ్‌ బ్యాంక్‌రప్టసీ కోడ్‌ (సవరణ) బిల్లు-2021కు మంగళవారం రాజ్యసభ ఆమోదం తెలిపింది. పెగాసస్‌ వివాదం, ఇతర సమస్యలపై ప్రతిపక్ష పార్టీలు ఆందోళనలు చేస్తున్నా, స్వల్ప చర్చతో బిల్లు ఆమోదం పొందింది. జులై 28న లోక్‌సభలో ఈ బిల్లు ఆమోదం పొందిన సంగతి తెలిసిందే. సూక్ష్మ, చిన్న, మధ్య స్థాయి సంస్థల (ఎంఎస్‌ఎంఈలు) కోసం ముందుగా నిర్దేశించిన (ప్రీ-ప్యాకేజ్డ్‌) దివాలా పరిష్కార యంత్రాంగాన్ని దివాలా స్మృతి (సవరణ) బిల్లు 2021 అందిస్తుంది. ఆర్థిక మంత్రి నిర్మలా సీతారామన్‌ మాట్లాడుతూ ఎంఎస్‌ఎంఈలను దృష్టిలో ఉంచుకుని దివాలా స్మృతికి సవరణలు చేసినట్లు వెల్లడించారు.