బడ్జెట్ 2021: సూక్ష్మ, చిన్న, మధ్యతరహా పరిశ్రమలకు రూ.15,700 కోట్లు..

ఆర్ధిక మంత్రి నిర్మలా సీతారామ‌న్ మాట్లాడుతూ  ఎమ్ఎస్ఎమ్ఈ రంగ అభివృద్ధికై ఈ బడ్జెట్‌లో అనేక‌ చర్యలు తీసుకున్నాం. గత బ‌డ్జెట్‌తో పోలిస్తే రెట్టింపు మొత్తం రూ.15,700 కోట్లు కేటాయించిన‌ట్లు తెలిపారు. గ‌త బ‌డ్జెట్‌(2020-21)లో ఎంఎస్‌ఎంఈ రంగానికి రూ.7,572 కోట్లు కేటాయించారు. 

కోవిడ్‌-19 మహమ్మారి ప్ర‌భావం అన్ని రంగాలపై ప‌డింది. అయితే సూక్ష్మ,చిన్న,మధ్యతరహా పరిశ్రమలు మ‌రింత క‌ఠిన‌మైన ప‌రిస్థితుల‌ను ఎదుర్కోవ‌ల‌సి వ‌చ్చింది. లాక్‌డౌన్ కార‌ణంగా  ద్ర‌వ్య, స‌ర‌ఫారా సంక్షోభాల‌తో పాటు కార్మికుల కొర‌త‌, బ‌కాయిలు చెల్లించ‌క‌పోవ‌డం వంటి ఇబ్బందుల‌ను ఎదుర్కొంది.

లాక్డౌన్ వల్ల కలిగిన‌ ఒత్తిడిని తగ్గించడానికి ఆత్మ నిర్భ‌ర్ భారత్ అభియాన్ ప్యాకేజీ కింద ఎమ్ఎస్ఎమ్ఈల‌ కోసం ప్రభుత్వం రూ. 3 లక్షల కోట్ల ఎమర్జెన్సీ క్రెడిట్ లైన్ గ్యారెంటీ స్కీమ్ (ఈసిఎల్‌జిఎస్) ను ప్రకటించింది. ఈ పథకం గ‌డువు అక్టోబర్ నెలతో  ముగియ‌గా, న‌వంబరు 2020 వ‌ర‌కు గ‌తంలోనే గ‌డువు పొడిగించారు. అయితే తాజ‌గా ఈ గ‌డువును  మార్చి 21, 2021 వరకు పొడిగించారు.