సెంట్రల్‌ బ్యాంక్‌ లాభం రూ.165 కోట్లు

దిల్లీ: ప్రభుత్వ రంగ సెంట్రల్‌ బ్యాంక్‌ ఆఫ్‌ ఇండియా 2020-21 డిసెంబరు త్రైమాసికంలో రూ.165.41 కోట్ల నికర లాభాన్ని నమోదు చేసింది. క్రితం ఆర్థిక సంవత్సరం ఇదే సమయంలో బ్యాంక్‌ ఆర్జించిన నికర లాభం రూ.155.32 కోట్లతో పోలిస్తే ఇది 6.5 శాతం ఎక్కువ. మొత్తం ఆదాయం మాత్రం రూ.7,278.29 కోట్ల నుంచి రూ.6,556.98 కోట్లకు పరిమితమైంది. స్థూల నిరర్థక ఆస్తులు (ఎన్‌పీఏలు) 19.99 శాతం (రూ.33,259.59 కోట్ల) నుంచి 16.30 శాతానికి (రూ.29,486.07 కోట్లకు) తగ్గాయి.   నికర ఎన్‌పీఏలు కూడా 9.26 శాతం (రూ.13,568.05 కోట్లు) నుంచి 4.73 శాతానికి (రూ.7,514.65 కోట్లు) తగ్గాయి. మొండి బకాయిలు, ఆకస్మిక నిధికి కేటాయింపులు రూ.1,249.21 కోట్ల నుంచి రూ.743.74 కోట్లకు తగ్గాయి.